PDA

View Full Version : - كلمنى شكرا - مفيش أقذر من كدة



habashy77
02-14-2010, 02:41 PM
شاء حظى العثر أن أكون مدعو على فيلم كلمنى شكرا للمبدعة غادة عبد الرازق
و لو كنت مدعو بمفردى كنت حقول خلاص عدى و فات
لكنى بكل اسف كنت مدعو برفقة أختى و صديقتها و زوجها
و هالنا ما رأينا
البنات و الستات فى السينما أغلبهم ساب الفيلم و طلع حياء و كسفة مما شاهدوه
أو أوجدوا مبررات للخروج و السلام

مش ممكن
إحنا كل يوم فى النازل
السينما وصل بيها التلميحات و الكلمات الجنسية كدة عينى عينك عادى
و ايه اللى غادة الزفت دة عملته
لا مش ممكن يا جماعة الموضوع لازم له وقفة بجد

إزاى الرقابة وافقت على فيلم زى دة
ماهو يا إما المخرج دة بيأكل بتوع الرقابة
يا إما ضهره جامد
يا إما بتوع الرقابة أتعموا عمى حيثى و أطرشوا كمان عشان مسمعوش الكلام اللى مقدرش اقولة و التلميحات اللى فى الفيلم

كنا بنقول فيلم حين ميسرة فيلم سافل و مليان كلام حقير
و قلنا على فيلم الريس عمر حرب برضة فيه حاجات سافلة جدا

و غيره و غيره

لكن الفيلم دة تعدى كل الحدود
و الصراحة غادة عبد الرازق تجاوزت كل الحدود هذه المرة

اتمنى
او ادعوا الى وقفة جادة و مقاطعة هذا الفيلم و مقاطعة أفلام غادة عبد الرازق و هذا المخرج

فهذا المخرج يقول و يدعى انه يقدم الواقع

و هل يفرض علينا الواقع ان نقدم ما ليس لنا فيه اى شئ مفيد
و هل واقعنا ما هو الا جنس و سفالة إلى هذا الحد
؟؟؟؟؟؟؟

HeNRY 14
02-14-2010, 03:11 PM
كفاية اسم خالد يوسف
الفيلم بصراحه فيه حاجات قليلة الادب جدا

hanyazoz
02-14-2010, 03:22 PM
لا يا استاذ حبشي لأ ملكش حق:grindance:

خلى الراجل خالد يوسف ده يقول احنا بنشتغل بحريه ومتفتحين وانه حاليا مخرج افلام الدعاره :wub::hmm::no::sleeping::realmad:الاول في الوطن العربي

واهو كله في سياق الفيلم والمشاهد ليست دخيله على الفيلم لا سمح الله:off_topic:

مظلوم والله يا خلوده :cry2:

دي سينما بتناقش قضايا مجتمعنا بحرييييييه .. حريه حريه يعنى :grindance:

مفهاش حاجه لما تبقي فيها سفاله :thumbs_down:

ربنا يريحنا من الاشكال دي بجد

Clown
02-14-2010, 03:36 PM
واحد مصاحب على علوكه واشرف كوخه عاوزه يطلع ايه طيار ؟ :rolleyes:

كفايه اسمه يا راجل
علامت البورنو كلها متجمعه فى فيلم واحد
غاده عبد الرازق وخالد يوسف ونعم الابداع
واللحمه بربع جنيه والحسابه بتحسب :grindance:

Hamlet
02-14-2010, 03:46 PM
كـلُ إنــاءٍ ينضحُ بمـا فيه

--

والله المنتقم ,ء

™Fido®
02-14-2010, 03:47 PM
lo.0l

مش بتفرج على افلام عربى اساسا

بقت حاجة تكسف بجد

AhMed KaDEaM
02-14-2010, 03:48 PM
والله ياعم حبشى كلنا بنهجم الافلام دى حتى انا كنت عملت موضوع شامل عن الافلام دى انا شوفت حوار بتاع غادة عبد الرازق قد اية الست دى فى قمة قلة الاداب الى خلقة ربنا فعلا انا مشوفتش ست كدة وترد ع السوال تقولها انتى هاعرة فى افلامك وكذا وكذا وهية عادى لا مبالة مش تقول انا مثال غلطانة انى بعمل حاجة زى دى بس المشكلة عندها ان معندهاش اقتناع من الى هية بتعملة فعلا عاوزة فلوس وخلاص مش هية بس كل الى زيهم اما الباشا خالد يوسف فا دة فعلا وربنا مش قليل اما تقول علية حقير انا مش عارف ويقولك ع الفيلم دة دة اقل عارى قدمتة ........... فعلا راجل قذر والله احسن حاجة متخشش افلام غير ل الى بيملوة افلام صح انا من اول فيلم ويجاة وانا مبخشش افلام خالد يوسيف لانها مش هتستفاد منها غير قذارة............. شكراااا

Mando
02-14-2010, 03:58 PM
فيلم مالوش اي معنى فعلا

فيلم معمول للجنس ليس الا

من غير افيهات توشكا يبقى كان مكانه الزبالة مش السينمات

:Shesha::Shesha:

WiMPY
02-14-2010, 04:50 PM
المشكلة مش مشكلة خالد يوسف خالص
المشكلة فينا إحنا الي خلينا له سوق اساسا
اراهن ان في ناس كتيير بعد ما هتشوف التوبك دا هتفكر تدخل الفيلم
خلد يوسف مخرج بيحاول يرضي المطلوب في السوق وهو دا الي مطلوب في السوق دلوقتي
حين ميسرة والريس عمر حرب نجحوا
وهو اشتهر اكتر وقالوا عليه مبدع
طيب اية المشكلة انه يستمر على نفس الطريقة ويزودها كمان
يبقي ينجح اكتر ويشتهر اكتر

المشكلة في زوق الجمهور دلوقتي

زي اغاني الحاشيش والبناجو الي بنسمعها دلوقتي
الي بيغني مش عليه لوم اهو اي هبل في هبل
اللوم علي الي بسمع ويقولك الله روعة

ودا كله غضب من ربنا
يارب ارحمنا برحمتك

koko91
02-14-2010, 05:11 PM
ع فكـرة الفيلم مش فـ القذارة يعنى هوة بس كام حتة لـ غادة وخلاص
واما باقى الفيلم مضحك واللهى اى نعم فيهم كام مشهد قذر بس الضحك لى فية بيتارى ع الحاجات دى
ومع احترامى ليك يعنى سايب افلام التانية وجى تتكلم فـ دة ع قل دة مبيتكلمش فـ القزرات زى احاسيس وافلام لى نزلة دى
بس انا افلام خالد يوسف كا مخرج بحب افلامة اى نعم فيها شوى من الجرائة بس فـ لاخر حاجة حلوة

habashy77
02-14-2010, 05:34 PM
ع فكـرة الفيلم مش فـ القذارة يعنى هوة بس كام حتة لـ غادة وخلاص
واما باقى الفيلم مضحك واللهى اى نعم فيهم كام مشهد قذر بس الضحك لى فية بيتارى ع الحاجات دى
ومع احترامى ليك يعنى سايب افلام التانية وجى تتكلم فـ دة ع قل دة مبيتكلمش فـ القزرات زى احاسيس وافلام لى نزلة دى
بس انا افلام خالد يوسف كا مخرج بحب افلامة اى نعم فيها شوى من الجرائة بس فـ لاخر حاجة حلوة

أولا
أنا بتكلم عن فيلم شوفته
يبقى مليش دعوة بأى فيلم تانى غير لما اشوفه
و فكرة ان فيه كام حتة لغادة عادل دى يعنى انا شايف انه لو الفيلم مفيهوش الكام حتة دول و لو هى بطلت تعمل الادوار دى تفتكر الفيلم حيزيد ولا حينقص
و لية من الاساس يبقى فيه كام مشهد قذر
و هى يعنى القذارة لازم تطاردنا فى كل حتة حتى فى السينما كمان

و معلش يعنى و مع كامل احترامى ليقى و اسف على الكلمة اللى بيعمله خالد يوسف دة مسمهوش جراءة دى عدم المؤخذة أسمها وساخة
و قلة حيا

و تقبل شكرى

habashy77
02-14-2010, 05:36 PM
المشكلة مش مشكلة خالد يوسف خالص

المشكلة فينا إحنا الي خلينا له سوق اساسا
اراهن ان في ناس كتيير بعد ما هتشوف التوبك دا هتفكر تدخل الفيلم
خلد يوسف مخرج بيحاول يرضي المطلوب في السوق وهو دا الي مطلوب في السوق دلوقتي
حين ميسرة والريس عمر حرب نجحوا
وهو اشتهر اكتر وقالوا عليه مبدع
طيب اية المشكلة انه يستمر على نفس الطريقة ويزودها كمان
يبقي ينجح اكتر ويشتهر اكتر


المشكلة في زوق الجمهور دلوقتي


زي اغاني الحاشيش والبناجو الي بنسمعها دلوقتي
الي بيغني مش عليه لوم اهو اي هبل في هبل
اللوم علي الي بسمع ويقولك الله روعة


ودا كله غضب من ربنا
يارب ارحمنا برحمتك


صح
انت صح
الغلط علينا احنا عشان احنا اللى عملنا كدة و احنا اللى خلينا واحد زى دة وواحدة عاهرة زى دى يطلعوا عينى عينك كدة و يدخلوا بيوتنا لنشر الاباحة فى قالب كوميدى
زى اللى بيحطلك السم فى العسل
ايوة احنا اللى نستاهل
:sleeping:

SaRa D!Ab!AN
02-14-2010, 09:58 PM
مش خالد يوسف وغاده عبدالرازق وعمرو عبدالجليل
خلاااااااااااص لازم يكون كده

Blue StaR
02-14-2010, 10:56 PM
مشفتش الفيلم ولا عايزه اشوفه.. الاعلان و اسم خالد يوسف تحذير كفايه انى مشوفش الفيلم
انا داخله اعلق على عموما موجة السينما اللى شغاله اليومين دول.. مش فاهمه ايه ده!!
هو ده االفن اللى احنا عايزينه؟ و لا المخرجين دول حابين ينشروا الفشل و الخيبه ؟! حسبى الله و نعم الوكيل
المستفز بقى تسمع رأيهم فى أعمالهم تلاقى الدفاع الرهيب عنه.. و الاقتناع الغريب بعملهم.. خالد يوسف ده مثلا، يقولك انا بنقل الواقع :popcorn:..
ده امثاله اللى خلوا الواقع " واقع " بجد.. انا معرفش قصة فيلم كلمنى شكرا.. بس من اعمال خالد يوسف اللى فاتت.. الواضح انه مهتم فعلا بالقضايا العامه.. لكن يعنى هو مينفعش نقل مشاكل المجتمع بصدق.. و من غير المشاهد ال ..اوصفها بإيه يعنى، اقل وصف انها ملهاش لازمه !
اللى عايز يتكلم عن مشكلة فى مجتمع يقدر يعملها بكل احترام و صدق فى نفس الوقت.. لو عايز!
مش عارفه اقول ايه.. حسبى الله و نعم الوكيل.. ربنا يهدى الجميع و يحفظ بصرنا و سمعنا

HABEBE™
02-14-2010, 10:58 PM
معرفش أتكلم عن حاجة مشوفتهاش:laugh:
لابد أن أدخلـــة ماتينيــة :yes:
بس بندور على سينما تعرض كلمنى شكرا وأحاسيس مع بعض:kiss:

habashy77
02-14-2010, 11:05 PM
معرفش أتكلم عن حاجة مشوفتهاش:laugh:
لابد أن أدخلـــة ماتينيــة :yes:
بس بندور على سينما تعرض كلمنى شكرا وأحاسيس مع بعض:kiss:


انت سافل
:tease:

mnoso90
02-15-2010, 01:21 AM
طالما فيه خالد يوسف يبقي هتخرب
شكرا ليك

Moslema
02-15-2010, 01:35 AM
انا من الاول قولت الافلام دى نقاطعها
ولما هما يلقوها بتفشل هيبطلو يعملوها
بس احنا فضولنا بيخلينا ندخلها
وبكدة الايرادات بتبقى عالية
وبكدة بيطلعو يقولو ده واقع وعجب الناس
و احنا بناقش سينما هادفة وسينما مش عارفة ايه
واصلا بيحاولو يفسدو جيل المراهقيين دلوقتى
علشان هما اللى بيدخلو السينما
يعنى دول قصدهم تدمير مجتمع بحاله
علشان المراهقيين دول هما اب وام المستقبل
انا الحمد لله مدخلتش الفيلم ولا فكرت ادخله
وبجد بجد بجد ياريت بقيت الناس مش تدخله يا جماعة
علشان يحسوا فعلا اننا رافضين للسينما القذرة دى
ربنا يهديهم بجد ويبعدهم عننا بأفكارهم دى

mostafa saad
02-15-2010, 01:41 AM
خالد يوسف
الحمد لله مشفتش الفيلم

diabiano100%
02-15-2010, 01:51 AM
الجدل اهم عوامل نجاح اي شيء واي شخص

عمرو دياب من سياساته الجدل

يعمل حاجه يخلي الكل يتكلم عنها بالسلب والايجاب

بعد فتره الناس بتنسي الحاجه دي بس بيبقي هو استفاد اعلاميا جدا وبقي في الصوره طول الوقت

كلامنا عن شخصيه او فيلم زي ده مش هيزيده الا نجوميه

__Cobra__
02-15-2010, 01:59 AM
الجدل اهم عوامل نجاح اي شيء واي شخص

عمرو دياب من سياساته الجدل

يعمل حاجه يخلي الكل يتكلم عنها بالسلب والايجاب

بعد فتره الناس بتنسي الحاجه دي بس بيبقي هو استفاد اعلاميا جدا وبقي في الصوره طول الوقت

كلامنا عن شخصيه او فيلم زي ده مش هيزيده الا نجوميه



:thumbs_up:
دى مشكلتنا بنلقى الضوء على الفيلم الوحش اكتر من الفيلم الكويس
يعنى فيلمين نزلو فى نفس التوقيت تقريبا
كلمنى شكرا و رسايل البحر و شتان الفارق بين الاتنين
شوف بقى انهى فيلم اتعمل عليه سبوت اعلامى و جماهيرى اكتر
و النتيجه كلمنى شكرا متصدر الايرادات:hmm:
ء

malk_dibya
02-15-2010, 02:13 AM
one word the movie is very sucks..................................!

Mohamed Ammar
02-15-2010, 02:20 AM
lo.0l

مش بتفرج على افلام عربى اساسا

بقت حاجة تكسف بجد



يعنى الافلام الاجنبى هى اللى مش فيها
دى فيها اكتر من كدة مييييييييت مرة

وبعدين الناس كلها بتقول نقاطع الافلام دى ومحدش بيعمل بالكلام دة
انا لما روحت الفيلم الناس كلها كانت راحة كلمنى شكرا والقاعة كانت فول
محدش بيقاطع الافلام دى
الناس دلوقتى مابتصدق تلاقى فيلم كدة
نونو تعبااااااااااااااااانة
والفيلم ميكونش فية حاجة غير الترايلر بس
والدليل ان الافلام دى بتحقق اعلى ايرادات
والفيلم بصراحة تعدى اى فيلم عربى فى اخر 10 سنين فى حاجات من دى
بس ابراهيم توشكا ابدع فى الفيلم بصراحة
والفيلم فى كمية مضحك بس لو انت داخل مع صحابك
مش مع حد تانى
والبنت اخت غادة دى قنبلة
واتفجرت خلاص
محدش يعرفلنا البنت دى اسمها اية
اصل فى رهان عليها

ناس بتقول ساندى وناس بتقول لا دى وجة جديد

JusTin
02-15-2010, 02:28 AM
كـلُ إنــاءٍ ينضحُ بمـا فيه

--

والله المنتقم ,ء

:thumbs_up: تمام

GodZiLLa
02-15-2010, 03:02 AM
الفيلم كله على بعضه كده اديله 2\10

لا قصة حلوة و لا اداء حلو و المصيبة الايفيهات الزبالة اللي اتقالت فية

habashy77
02-15-2010, 03:26 AM
انا بس عايز افهم هو خالد يوسف عايز يوصل لإيه يعنى
و الست غادة برضة عايزة توصل لإيه
قصدهم ايه يعنى باللى بيعملوه دة
حد يفهمنا
حاجة بجد بقت تكسف
حسبى الله و نعم الوكيل فيكم
و فى اللى خلاكم نجوم

GodZiLLa
02-15-2010, 04:02 AM
غادة دي تروح تتوكل على الله و تروح تشتغل رقاصة

blugrana
02-15-2010, 04:04 AM
قمه القذاره وقله الادب بجد

المفروض دول يتعدموا بدل الناس اللي بتندبح في فلسطين

belio
02-15-2010, 04:04 AM
بيني وبينك انتا غلطان
يعني مشفتش الاعلان ؟؟؟

BLOOD
02-15-2010, 04:11 AM
فيلم قذر فعلا
بس لو شفت بقة أحاسيس هتقول ايه؟؟؟ :happy:

Casco
02-15-2010, 07:45 AM
انا بس عايز افهم هو خالد يوسف عايز يوصل لإيه يعنى
و الست غادة برضة عايزة توصل لإيه
قصدهم ايه يعنى باللى بيعملوه دة
حد يفهمنا
حاجة بجد بقت تكسف
حسبى الله و نعم الوكيل فيكم
و فى اللى خلاكم نجوم



انا مشفتش الفيلم ده ولا بتاع حين ميسرة
لكن شفت الريس عمر حرب وعجبني..واعترف مشاهد الحب كان ممكن تبقى بطريقة احلى لكن اظن المخرج ارادها قذرة تعبيرا عن قذارة الناس المتواجدين في صالات القمار وحياتهم البائسة

بس انا شايف ان لو غادة سابت خالد يوسف حتبقى احسن ممثلة شابة
اولا لانه ظالمها على الاخر بادوار ثانوية
ثانيا غادة مقنعة جدا جدا في التمثيل وبالنسبة لي احسن من منى زكي اللي دمها واقف, لكن فعلا الادوار الوحشة اللي ورا بعض على طول هي اللي بتبعد الناس عنها

اتمنى ان غادة تفوق وتبعد عن خالد وبس تجرب حد تاني ولو مرة, لان فعلا هي لها جمهور وناس بتعجبها ادئها لكن بتنفر من ادوارها. واتمنى لها التوفيق.

اما عن خالد يوسف فهو مخرج بكل ما تحمل الكلمة لكن يحاول ان يظهر انه يعيش في عالم اخر. والصحافة والهجوم الشديد والعنيف يجعله يعاند اكثر واكثر, واستخدام العناد والسير خلف خلاف هو الذي يغطي على موهبته شيئا فشيئا والله خسارة انه يضيع وقت من غير ما يستغل ما تعلمه من يوسف شاهين. ففيلم هي فوضى كان واقعي جدا ونال اعجاب الجميع. اتمنى لخالد التوفيق.

شكرا على الموضوع, رايك هو فعلا راي ناس كثر


:)

FaRo2
02-15-2010, 08:13 AM
ههههه بيقولك بننقل صوره الواقع .. واقع على دماغك يا اخي
هي دي صورة المجتمع يعني ؟ اللى احنا يعيشينه ... هي دي صورة مصر
والله ما في حد بيسوء سمعه مصر وبينقل صوره غلط للناس .. غير الجهله دول
خلاص الواقع اللى عندنا بقا جنس وبس ؟

تقريبا انا مش بتفرج على افلام عربي غير لمحمد سعد ومحمد هنيدي واحمد حلمي ومكي والسقا وكريم عبد العزيز الناس المحترمه دي

وللاسف بقيت بعدي على السينما بلاقي اطفال وولاد بالهبل داخلين الفيلم ده
ولا الكلام اللى في الفيلم والتعابير اللى فيه .. مش بتتقال في الشارع اصلا ..من الاعلان المفروض مكنتش تخشه او ترفض الدعوة

ويقولك بنقل صوره الواقع ... جتك خيبه
بس بلد فيها الازهر .. المنااااره الكبيره الاسلاميه .. بتسكت عن العمل ده ليه ؟
مهو مدام الازهر مش بيتكلم .. الناس هتتكلم
دنيا

mody1_9_8_7
02-15-2010, 12:45 PM
هى ممثلة قليلة الزوق
والمخرج اللى معاها مخرج زبالة

W@el
02-15-2010, 02:19 PM
شاء حظى العثر أن أكون مدعو على فيلم كلمنى شكرا للمبدعة غادة عبد الرازق
و لو كنت مدعو بمفردى كنت حقول خلاص عدى و فات
لكنى بكل اسف كنت مدعو برفقة أختى و صديقتها و زوجها
و هالنا ما رأينا
البنات و الستات فى السينما أغلبهم ساب الفيلم و طلع حياء و كسفة مما شاهدوه
أو أوجدوا مبررات للخروج و السلام

مش ممكن
إحنا كل يوم فى النازل
السينما وصل بيها التلميحات و الكلمات الجنسية كدة عينى عينك عادى
و ايه اللى غادة الزفت دة عملته
لا مش ممكن يا جماعة الموضوع لازم له وقفة بجد

إزاى الرقابة وافقت على فيلم زى دة
ماهو يا إما المخرج دة بيأكل بتوع الرقابة
يا إما ضهره جامد
يا إما بتوع الرقابة أتعموا عمى حيثى و أطرشوا كمان عشان مسمعوش الكلام اللى مقدرش اقولة و التلميحات اللى فى الفيلم

كنا بنقول فيلم حين ميسرة فيلم سافل و مليان كلام حقير
و قلنا على فيلم الريس عمر حرب برضة فيه حاجات سافلة جدا

و غيره و غيره

لكن الفيلم دة تعدى كل الحدود
و الصراحة غادة عبد الرازق تجاوزت كل الحدود هذه المرة

اتمنى
او ادعوا الى وقفة جادة و مقاطعة هذا الفيلم و مقاطعة أفلام غادة عبد الرازق و هذا المخرج

فهذا المخرج يقول و يدعى انه يقدم الواقع

و هل يفرض علينا الواقع ان نقدم ما ليس لنا فيه اى شئ مفيد
و هل واقعنا ما هو الا جنس و سفالة إلى هذا الحد
؟؟؟؟؟؟؟



عاوز رأيي ولا تزعل كان المفروض انت من اعلان الفيلم متروحش ده الأعلان بس فيه شوية كلام سافل جدآ بالأضافة للعري والقرف اللي فيه بس انت لبست للأسف حظك بقي

خالد يوسف ده شيطان في الأرض سيبك من انه ساعات بيقدم صورة حلوة قوي لكنه مخرج بطبعه سافل تحس ان عدم التدين محركه يعني هوا يهمه ينشر القرف في المجتمع قد مايهمه انه يبقي مخرج ناجح والله اعلم هوا من نفسه ولا وراه حاجة بتحركه عامل زي استاذه يوسف شاهين كان يعز ويحب كده زي عينيه تلاقي الفيلم فيه ناس بتنام مع بعض كده عادي وتلاقي فيه تصرفات زبالة بيطلعها في الفيلم كأنها جزء من المجتمع وبشكل كبير !!!!! هوا ده اللي بتكلم فيه لما تحط السم كده في العسل زي مابيقولوا يبقي الفيلم شغال وفيه مثلآ خيانة يطلعلك الخيانة كأنها امر عادي في الفيلم وان اللي زعل البطل مش الخيانة الي زعله حاجة تانية خااالص !! الطريقة دي في نشر فكر معين بين الناس وتعويدهم علي شيء معين طريقة الناس اللي عاوزة الناس تخرج من تدينها ومن اخلاقها والمتلقي ممكن يتأثر بده في حالتين لو هوا بعيد عن ربنا اصلآ ولو هوا شاب صغير لسه مكونش فكر معين

غادة عبد الرازق ومعظم الممثلات اصلأ كلهم جايين من عند المنتجين فاهمني فهما في الأساس مش محترمين دول زبالة البشر

الخلاصة انت اتدبست انا مضايقلك اصلآ لأنه موقف رزل ريح نفسك ومتدخلش افلام الا ما تسأل واحد يكون شافه انا بعمل كده

HABEBE™
02-15-2010, 02:36 PM
انت سافل
:tease:



ولـــــــــــد :woot:
بص أنا امبارح عملت الوهات ومباحثات عشان نروح نشوف الفيلم
المشكلــــة ان كل صحابـــى رفضو الفيلم رفضـــــا باتا
:sleeping:
قولت بسم الله ماشاء الله خلاص ربنا هداهم
.:happy::thumbs_up::happy:.

طلع الموضوع كالآتى
فية نسخة نزلت على النت كويسة من الفيلم
والشباب مش بيحبو يتفرجو فى الزحمــة
..
:rofl:
وطلعو شافوة من غيرى
:Shesha:
تتعوض النهاردة




الجدل اهم عوامل نجاح اي شيء واي شخص

عمرو دياب من سياساته الجدل

يعمل حاجه يخلي الكل يتكلم عنها بالسلب والايجاب

بعد فتره الناس بتنسي الحاجه دي بس بيبقي هو استفاد اعلاميا جدا وبقي في الصوره طول الوقت

كلامنا عن شخصيه او فيلم زي ده مش هيزيده الا نجوميه


جدل وعوامل وسياســـى وايـــة الكلام دة
:laugh:
اخرس خالص منتا شوفت الفيلم دة 15 مرة
:laugh::laughing_at:

unknown7
02-15-2010, 03:10 PM
جدل وعوامل وسياســـى وايـــة الكلام دة
:laugh:
اخرس خالص منتا شوفت الفيلم دة 15 مرة
:laugh::laughing_at:



:p
:p

diab33
02-15-2010, 03:24 PM
خالد يوسف مخرج افلام الدعاره
معرفش ازاى بياخد جوائز ويتكرم:realmad::realmad::realmad::realmad::realmad::realmad::realmad::realmad::r ealmad::realmad::realmad::realmad::realmad::realmad::realmad::realmad::realmad:

salma
02-16-2010, 01:23 PM
فعلا مفيش اقذر من كده

hazem@diabawy
02-16-2010, 07:11 PM
no coment

diaby_4ever
02-16-2010, 09:06 PM
الفيلم رائع جدا ومفيش شى مخل بالاداب
كفاية انة لمخرج عظيم بحجم خالد يوسف

Clown
02-16-2010, 09:32 PM
3d احمد ربك انه مش

كنت هتشوف اللى ورا الهدوم ده لو فيه هدوم اصلا :p

habashy77
02-17-2010, 12:19 AM
الفيلم رائع جدا ومفيش شى مخل بالاداب
كفاية انة لمخرج عظيم بحجم خالد يوسف


مش عارف ارد اقولك ايه الصراحة
بس دة رأيك
و أنتى حرة
بس كل الناس ماشية فى اتجاه و انتى فى اتجاة تانى خالص

3d احمد ربك انه مش

كنت هتشوف اللى ورا الهدوم ده لو فيه هدوم اصلا :p

هههههههههههه
جااااااااااامد موز
اكمد تعليق حصل
هههههههههمش قادر امسك نفسى من الضحك
تخيل تلبس نظارة الثرى دى و تتفرج على اللى ورا الهدوم
:rofl:

il_Magico
02-17-2010, 03:18 AM
على فكرة خالد يوسف مخرج فاهم هو بيعمل ايه كويس ومخرج من القليليين اللى بيناقشول قضايا فعلا وبموضوعية وهو ايه يعنى لقطة او لقتطين فى فيلم طب مانتوا بتتفرجوا عالاجنبى اللى نصه اساسا مبنى على كده وده سياية للمخرج وانا من رأيى ان افلام خالد يوسف تستحق المشاهدة ولا هو عشان مابيجيش على هواكم
ومع كل حبى وتقديرى لعمرودياب اللى هو رمز ليا ولشباب كتيييير جدا ماهو مسقط بنطلونه ومبين البوكسر ولا ده ملاك من السما ماينفعش ننقده !!!!!!!!!!!!!!!! يا جماعة خليكم موضوعيين شوية

Amr Muhammed
02-17-2010, 04:51 AM
بجد بقيت حاجة تقرف واللى يغيظك لما يطلعوا فى البرامج ويتكلموا على الفيلم وقد ايه هما تعبوا فيه وغادة عبد الرازق دى بجد ربنا يهديها فاكرة ان هو ده الفن والابداع ويقولوا ده الانفتاح واحنا لامتى هنخبى الواقع بتاعنا لازم نورى الناس الواقع ما الناس عارفة الواقع كويس اوى مش محتاج توريهم بالمشاهد الجنسية والايفهات المبتذلة بجد فين دور الرقابة من كل ده

Amr Muhammed
02-17-2010, 04:58 AM
على فكرة خالد يوسف مخرج فاهم هو بيعمل ايه كويس ومخرج من القليليين اللى بيناقشول قضايا فعلا وبموضوعية وهو ايه يعنى لقطة او لقتطين فى فيلم طب مانتوا بتتفرجوا عالاجنبى اللى نصه اساسا مبنى على كده وده سياية للمخرج وانا من رأيى ان افلام خالد يوسف تستحق المشاهدة ولا هو عشان مابيجيش على هواكم
ومع كل حبى وتقديرى لعمرودياب اللى هو رمز ليا ولشباب كتيييير جدا ماهو مسقط بنطلونه ومبين البوكسر ولا ده ملاك من السما ماينفعش ننقده !!!!!!!!!!!!!!!! يا جماعة خليكم موضوعيين شوية


مع احترامى لكلام حضرتك احنا فى مجتمع مينفعشى فى الكلام ده ملناش دعوة بالغرب هما واخدين على كده بالنسبة ليهم الكلام ده عادى جدا المخرج الشاطر هو اللى يقدم الواقع من غير ميخدش حياء الجمهور ينفع تتفرج على افلاموا مع اسرتك اكيد لاء هتبقى قاعد مكسوف وبعدين الواقع معروف مش هو اللى هيقدموا فى السينما ولو حب يقدموا يكون فى اطار محترم مش مبتذل بالشكل ده وبالنسبة لكلامك عن عمرو دياب احنا عمرنا ما قولنا عليه ملاك بس انت شاب وعارف انها موضة مش اكتر يعنى عادى لكن اللى مش عادى انك تشوف اللى بتعملوا غادة عبد الرازق وامثالها اللى فاهمين انهم بكده بيقدموا الواقع وليهم رسالة

khaledido
02-17-2010, 05:15 AM
انا لغاية دلوقتى متفرجتش على الفيلم .. بس بالرغم من كدة عندى ثقة كبيرة انه هيكون فيلم جميل جدا .. اولا لانى بحب خالد يوسف جدا .. وبحب طريقة تفكيرة وعرضه الافلام بطريقة مميزة وجميلة جدا ... وكمان عمرو والشغل الجميل اللى هو عامله ... فى بقى نقطة صغيرة اوى عاوز اعلق عليها ... لما انت افتكرت لخالد يوسف افلامه الزبالة من وجهت نظرك وعرضتهم وقولت الريس عمر حرب وقولت حين ميسرة .. ياترى نسيت انه اللى عمل فيلم جواز بقرار جمهورى وانه اللى عمل دكان شحاته ... ياجماعة بدل ما ننقد الافلام اللى فيها فكر ودماغ عالية علشان كام مشهد معجبوكش .. اتكلم على الافلام اللى كلها مشاهد ومفيش فيها اى معنى ولا اى قصة

Medhat
02-17-2010, 06:42 AM
كل ده بسبب التطرف
أنا من مُحبى خالد يوسف...لكن كل شخص ليه أشياء إيجابية وسلبية...و فى بعض الأحيان هو بيركز على أشياء بعينها أكثر من تركيزه على أشياء أعتقد إنها أهم
لكن كل ده بيرجع فى رأيى المتواضع لسبب واحد وهو"التطرف"
التطرف أصبح سمه من سمات مجتمعنا للأسف

سواء تطرف مفهوم حرية التعبير
أو تطرف النوازع الدينية ومن يقومون بالدعوة


أعتقد فى حل أفضل وهو إن جهاز السينما و نقابة السينمائيين تفرض على المنتجين إن البرومو الخاص بالفيلم يكون بلا مشاهد خارجة

و يُكتب على الفيلم للكبار فقط
وتكون دور العرض أكثر تشدد مع الأطفال و الشباب اللى تحت 18 سنة

لأن الفكرة مش فكرة منع لأن ببساطة...الشخص اللى بيبحث عن الشىء ده هيوصله بأى طريقة كانت والإنترنت و قنوات الدش الإباحية مفيش أكتر منها
لكن الناس مش عايزة تُدرك حقيقة واحدة أصبحت مفروضة على العالم كله
وهو إن كل إنسان رقيب نفسه
كل واحد بيدخل فيلم فيه مشاهد هو شايفها خادشة للحياء..بيدخل الفيلم وهو متأكد من ذلك...وبرغم ده بيدخل ويخرج يقول حرام
أعتقد من الأفضل إن كل واحد يتفرج على الحاجات اللى تناسبه


بالتالى المفروض نقنن الأشياء

لو تمت الأشياء اللى قلتها...أعتقد لما حد يدخل يتفرج على الفيلم ويخرج...يبقى هو حر...و المفروض إنه لا يشتكى...لأن كل شخص بيتفرج على الحاجات المناسبة لدينه و معتقداته

لأن هى فى الأول والآخر سلعة زى أى سلعة فى الدنيا...قائمة على العرض والطلب

Amr Muhammed
02-17-2010, 06:46 AM
كل ده بسبب التطرف

أنا من مُحبى خالد يوسف...لكن كل شخص ليه أشياء إيجابية وسلبية...و فى بعض الأحيان هو بيركز على أشياء بعينها أكثر من تركيزه على أشياء أعتقد إنها أهم
لكن كل ده بيرجع فى رأيى المتواضع لسبب واحد وهو"التطرف"
التطرف أصبح سمه من سمات مجتمعنا للأسف


سواء تطرف مفهوم حرية التعبير
أو تطرف النوازع الدينية ومن يقومون بالدعوة



أعتقد فى حل أفضل وهو إن جهاز السينما و نقابة السينمائيين تفرض على المنتجين إن البرومو الخاص بالفيلم يكون بلا مشاهد خارجة


و يُكتب على الفيلم للكبار فقط
وتكون دور العرض أكثر تشدد مع الأطفال اللى تحت 18 سنة


لأن الفكرة مش فكرة منع لأن ببساطة...الشخص اللى بيبحث عن الشىء ده هيوصله بأى طريقة كانت والإنترنت و قنوات الدش الإباحية مفيش أكتر منها
لكن الناس مش عايزة تُدرك حقيقة واحدة أصبحت مفروضة على العالم كله
وهو إن كل إنسان رقيب نفسه
كل واحد بيدخل فيلم فيه مشاهد هو شايفها خادشة للحياء..بيدخل الفيلم وهو متأكد من ذلك...وبرغم ده بيدخل ويخرج يقول حرام
أعتقد من الأفضل إن كل واحد يتفرج على الحاجات اللى تناسبه



بالتالى المفروض نقنن الأشياء


لو تمت الأشياء اللى قلتها...أعتقد لما حد يدخل يتفرج على الفيلم ويخرج...يبقى هو حر...و المفروض إنه لا يشتكى...لأن كل شخص بيتفرج على الحاجات المناسبة لدينه و معتقداته


لأن هى فى الأول والآخر سلعة زى أى سلعة فى الدنيا...قائمة على العرض والطلب





:thumbs_up::thumbs_up:

™Fido®
02-18-2010, 12:13 PM
يعنى الافلام الاجنبى هى اللى مش فيها
دى فيها اكتر من كدة مييييييييت مرة

وبعدين الناس كلها بتقول نقاطع الافلام دى ومحدش بيعمل بالكلام دة
انا لما روحت الفيلم الناس كلها كانت راحة كلمنى شكرا والقاعة كانت فول
محدش بيقاطع الافلام دى
الناس دلوقتى مابتصدق تلاقى فيلم كدة
نونو تعبااااااااااااااااانة
والفيلم ميكونش فية حاجة غير الترايلر بس
والدليل ان الافلام دى بتحقق اعلى ايرادات
والفيلم بصراحة تعدى اى فيلم عربى فى اخر 10 سنين فى حاجات من دى
بس ابراهيم توشكا ابدع فى الفيلم بصراحة
والفيلم فى كمية مضحك بس لو انت داخل مع صحابك
مش مع حد تانى
والبنت اخت غادة دى قنبلة
واتفجرت خلاص
محدش يعرفلنا البنت دى اسمها اية
اصل فى رهان عليها

ناس بتقول ساندى وناس بتقول لا دى وجة جديد




لو الفيلم الاجنبى فيه مناظر مبيكونش دة سبب نجاح الفيلم لان عندهم اصلا الافلام البورنو وكل حاجة ف مش محتاجين للموضوع دة علشان ينجح الفيلم
:hmm:
غالبا بتكون موجودة المناظر دى وبتساهم ف الدور وطبعا ساعات بيزودوا كتير عن اهميتها
:yes:
وبرضه لو فيها المناظر الاباحية مبيكونش فيها الكلام المستفذ والاباحى والمستوى الاجتماعى الردىء

نييجى للنقطة الاهم ف الموضوع
انك بتخرج من معظم الافلام الاجنبية بفكرة و قصة للفيلم
ودة للاسف مش موجود عندنا ودة من اهم اسباب مقاطعتى للافلام العربى ( التفاهــــــــة و المستوى الفكرى والاجتماعى المنحدر ) ومش مسألة المناظر بس

cutepoison_a
02-18-2010, 01:18 PM
يا ريت فعلا نقاطع الفيلم .. و نقاطع أى قناة تفكر انها تبثه بعد كده يعنى .. دى عالم زبالة بجد .. و ناس حقيرة