PDA

View Full Version : البيدج الرسميــــــــة لـ عمـــرو ديـــاب عــلى الفيــس بــــوك



kIiko
06-05-2012, 03:15 AM
سلام عليكم
طبعا يا جماعــة كلكم عارفين ان الصفحة الرسمية لعمــرو على الفيس
بتزيد بمعدل ضعيـــف جدا
لو حد شـاف صفحــة الفـنان تامر حسني
خلاص داخلة على ال 4 مليـون
و طبعا ده كله بسبب الاعلان اللى صفحة تامر حسني عاملاه
اكيد كلكوا بتاخدوا بالكوا منه
الاعلان 24 ساعة مابيتشلش من على يمين صفحة الفيس
ولا عمري شوفت اعلان واحد لصفحة عمرو :s
طبعــا كالعــاده التوبيك هــ يتقفــل
و هيتقــال مكرر و اتناقشنا فى الموضـوع قبـل كده
بس ياريته نقــاش جــاب فايدة
شكــرا

.mohamed.
06-05-2012, 03:26 AM
البيدج فعلا بتزيد ببطئ
بس أنا عمرى ما شوفت اعلان لتامر
--
و الادارة قالت انها بتعمل اعلانات بس بتظهر للى مش عاملين لايك
--
Walid :

دعاية موقع الفيس بوك

بالفعل احنا عاملين دعاية بس هى مش بتظهر لاى عضو مشترك فعلا فى الصفحه بالاضافه الى اننا بنستهدف معجبين من بلدان محددة بنتحكم فيها
--
وكان فى التوبيك ده
رد ادارة الموقع على مقترحات الاعضاء
--
بس البيدج لسة بتزيد ببطئ

Ahmed.Mahmoud
06-05-2012, 03:46 AM
طيب اية الحل مفيش اي حلول جديدة ويبقي الحال كما هو

JusTin
06-05-2012, 04:14 AM
انا تعبت من كتر الكلام في الموضوع دا ومش عاوز افتكره عشان باتعب
:)

Mano K.
06-05-2012, 05:10 AM
البيدج فعلا بتزيد ببطئ
بس أنا عمرى ما شوفت اعلان لتامر
--
و الادارة قالت انها بتعمل اعلانات بس بتظهر للى مش عاملين لايك
--
Walid :

دعاية موقع الفيس بوك

بالفعل احنا عاملين دعاية بس هى مش بتظهر لاى عضو مشترك فعلا فى الصفحه بالاضافه الى اننا بنستهدف معجبين من بلدان محددة بنتحكم فيها
--
وكان فى التوبيك ده
رد ادارة الموقع على مقترحات الاعضاء
--
بس البيدج لسة بتزيد ببطئ



في اعلان لصفحة تامر بيجيلي علطول في الهوم

diabo man
06-05-2012, 06:32 AM
ياعم بسيطة .....انتوا شايلين هالموضوع بشكل كبير جداااا وكانه هو اساس الموضوع

mostafa diaby
06-05-2012, 07:15 AM
بعيدا عن انه بطئ بس حكاية الاعلان اللى على اليمين دا اعلان عمرو طبيعى مش هيجيلك عشان انتا عامل لايك
بس الصفحة فعلا بتزي بطئ :/

tajedine
06-05-2012, 11:26 AM
فعلا في بطئ شديد ...ياريت لو فيه حل للموضوع دا يتنفذ فورآ



شكرا

جانا
06-05-2012, 01:42 PM
صوتنا اتنبح في الموضوع ده والادارة قالت شوفو حل واحنا نعملو غير موضوع الاعلانات لانه مكلف جدا ومبيجيبش نتايج كبيرة واما سألتهم اشمعنى صفحة تامر حسني اللي بتزيد بسرعه كده قالو بالغش والتزوير وسالتهم طب ليه هوة الوحيد اللي بيستخدم التزوير والغش في صفحته وبيعمل كده ازاي وازاي ادارة الفيس بوك سايبه صفحة تزيد بالتزوير قالولي روح اسأل تامر حسني والفيس بوك وده كان رد زيزو عضو الادارة فمتتعبوش نفسكو في الموضوع ده يعني هية جت على الصفحة الرسمية

HeNRY 14
06-05-2012, 04:13 PM
صفحة تامر عدت صفحة عـمرو
!!

:(The Game):
06-05-2012, 04:30 PM
تامر حسني بقا 4 مليون
تامر بعِد عننا اوي

الواد الحبوب
06-05-2012, 04:32 PM
هههههههههههههههههههههههه صفحه تامرر جابت 4 مليون واحنا زي ماحنا وكتابلهم ع صفحته شكرا لكم جميعا اكثر من 4 مليون مشترك بالصفحة من جميع انحاء العالم لأول مرة سيكون تامر حسني قريبا معكم يقرأ تعليقاتكم علي صفحته الرسمية علي الفيس بوك و تويتر علي الهواء مباشرة علي قناته الرسميه علي اليوتيوب , تابعونا لمعرفة التفاصيل قريبا كل مرة نفتخر بان احنا الاول ف كزا ولما جمهور تامر يعدينا فيها او يغلبنا فيها يبقى الحاجه ده ملهاش قيمه وتطلع االردود ااصله الشعبيه مش بعدد االفانس اصلي الشعبيه مش بالديوهات اممال االشعبيه تتقاس ازاي الاولل لما ككان جمهور تاامر دهه يفكر يقولان تامر مشهور واحسن من عمرو كنا نرد ع طول ونقول روح بص ع الفيس روح شوف اليوتيوب روح شوف عمرو غنى ديوهات مع مين روح شوف اغاني عمرو اترجمت فين دلوقتي لما الاخ التاني صفحته ع الفيس عدتنا واليوتيوب عدانا وبقى شركه انتاج عالميه بتنتجله مبقناش بنتعترف بالكلام ده تيجي ازاااااااااااااي حد هيقولي اصلي بيزيد بطريقه غير شرعيه مع اني ده بالزات صعبه اوووي يعني معتقدش لكن ف نفس الوقت الصفحه اكتف اووووي كل يوم بتحط حاجات جديده لكن صفحتنا ماشاء الله بيجيلها بالاربع خمس ايام مفهاش تحديث واحد يرضي اي حد حاجه كمان كلنا ملاحظه اي حاجه تامر بيعملها ان شاء الله اكل ايه النهارده بيعملولها دعايه فظيعه لكن احنا لا حتى الاكادميه ولا ليها اي دعايه عدله ترضي ربنا ومحدش يقاوحني ويقولي لا بدليل شوفي عدد المشتركين ف الاكادميه هما دول بس اللي فالعالم كله يتمنو يغنو مع عمرو اتحدى يكون اساسا ربع الموهوبين ف مصر يعرفو حاجه على الاكادميه ده والا كان ف اول يومين تلاته وصلنا لمليون مشترك يا جدعان ده عمرو دياب 20 سنه كفاح وشهره شوفلكم حل انا صعبان عليا احنا كجمهور لما يجي واحد من الجمهور التيييت بتاع سي تامر ده يطلع لسانه ويقولك تامر نجح عن عمرو بدليل واحد اتنين تلاته وانت متعرفش ترد عليه والاعلام كله هيصدقه عشان ده المعيار ولو فيه معيار تاني للشهره ياريت حد يقولي عليه

JusTin
06-05-2012, 05:05 PM
صوتنا اتنبح في الموضوع ده والادارة قالت شوفو حل واحنا نعملو غير موضوع الاعلانات لانه مكلف جدا ومبيجيبش نتايج كبيرة واما سألتهم اشمعنى صفحة تامر حسني اللي بتزيد بسرعه كده قالو بالغش والتزوير وسالتهم طب ليه هوة الوحيد اللي بيستخدم التزوير والغش في صفحته وبيعمل كده ازاي وازاي ادارة الفيس بوك سايبه صفحة تزيد بالتزوير قالولي روح اسأل تامر حسني والفيس بوك وده كان رد زيزو عضو الادارة فمتتعبوش نفسكو في الموضوع ده يعني هية جت على الصفحة الرسمية

صفحة تامر بتزيد بالاعلانات وبطرق الرشق ، لا غش ولا تزوير
ثم لما عمرو يقول على الاعلانات مُكلفة جداً يبقى في كلام تاني اقوله بقى ؟؟
لما عمرو ينزل اغنية مش عارفين نسمعها لحد دلوقتي ماستر عشان قرشين يبقى هاتكلم اقول ايه انا بقى ؟؟
بس بس بس خليني ساكت
:)

Dentist memo
06-05-2012, 05:12 PM
الادارة وعدت تعدل الموضوع دة :hmm: مش حاجة عيب اننا نعمل اعلانات للصفحة على فكرة !! ناس كتير اوى متعرفش الصفحة الرسمية !!

tajedine
06-05-2012, 05:20 PM
صفحة تامر بتزيد بالاعلانات وبطرق الرشق ، لا غش ولا تزوير
ثم لما عمرو يقول على الاعلانات مُكلفة جداً يبقى في كلام تاني اقوله بقى ؟؟
لما عمرو ينزل اغنية مش عارفين نسمعها لحد دلوقتي ماستر عشان قرشين يبقى هاتكلم اقول ايه انا بقى ؟؟
بس بس بس خليني ساكت
:)



:thumbsup:

مش فيه حاجة فيك ..دا فيه حاجات غريبة في الآونة الأخيرة دي

..

hazem mezo
06-05-2012, 05:24 PM
صفحة تامر بتزيد بالاعلانات وبطرق الرشق ، لا غش ولا تزوير
ثم لما عمرو يقول على الاعلانات مُكلفة جداً يبقى في كلام تاني اقوله بقى ؟؟
لما عمرو ينزل اغنية مش عارفين نسمعها لحد دلوقتي ماستر عشان قرشين يبقى هاتكلم اقول ايه انا بقى ؟؟
بس بس بس خليني ساكت
:)


عشان قرشين ؟؟؟
يعنى انت عايز تسمع الأغنية ببلاش ؟؟
يعنى إيه شغل ناس إحنا نسمعه كدة
هى مش حكاية قرشين
وعمرو مش محتاج
بس على كدة بقى كان التاجر باع بضاعته ببلاش عشان هو مش محتاج
مش بيتبصلها كدة
بيتبصلها إن عمرو بيعمل منتج والمنتج دة له حقوق ملكية وحقوق الملكية دى مع شركة معينة لازم تدفع فلوس عشان تسمع المنتج دة
مش عمرو يدفع للمغنى والموزع ولمهندس الصوت وللستوديو والشركة تشتريها منه وانت تسمعها ببلاش
مفيش مغنى فى العالم بيعمل كدة
فيه نظام

Nader Nino
06-05-2012, 05:34 PM
ياعم دة بيدج كورة اون لاين و24 ساعة كورة عدوا المليون وبيدجات جديدة

سلم امرك لله يابنى

islammoha
06-05-2012, 05:37 PM
يا حبي مش مقياس والله خالص
وبعدين هههههههه الاعلان اللي حضرتك بتشوفه لتامر ده
بسبب ان اكتر من شخص صديقك ع الفيس في الجروب بتاعته مش اكتر : )

Zizo
06-05-2012, 05:50 PM
صفحة تامر بتزيد بالاعلانات وبطرق الرشق ، لا غش ولا تزوير
ثم لما عمرو يقول على الاعلانات مُكلفة جداً يبقى في كلام تاني اقوله بقى ؟؟
لما عمرو ينزل اغنية مش عارفين نسمعها لحد دلوقتي ماستر عشان قرشين يبقى هاتكلم اقول ايه انا بقى ؟؟
بس بس بس خليني ساكت
:)


حضرتك فاهم الكلام غلط وللأسف ده بيتسبب انك بتتجاوز في الكلام بشكل غير مقبول

أنا قولت مكلفة بالنسبة لان مافيش عائد يستحق الذكر .. يعني لما اصرف 100 ألف علشان 100 مشترك زيادة يبقي مالهاش لازمة ومش دي الزيادة اللي هتفرق مع الصفحة ..
الرشق غش و عمل غير شرعي والفيس بوك بيمنعه لانك بتخلي الناس تشترك عندك من غير ما يعرفوا عن طريق الخداع وتقدر حضرتك ترجع للفيس بوك في النقطة دي لانه قفل صفحات كتير لنفس السبب.
قرشين؟! .. هو ده خلاص بقي الأسلوب السائد في السايت وبنرجع نقول الادارة وحشة !

Mo'men Bssuni
06-05-2012, 09:53 PM
صفحة تامر عدت صفحة عـمرو
!!




أيوه طبعاً أنت مش هنآ ولآ أيه

صفحة تآمر 4 مليون و عمرو لسه 3 مليون و 700

:)

magdy egypt
06-06-2012, 04:52 AM
لازم اعلانات
كل الصفحات اللى بتعمل اعلانات بتزيد بطريقة فظيعة
والامثلة كتيرة غير صفحة تامر ده
يعنى لازم الادارة تعيد الاعلانات دى

kIiko
06-06-2012, 06:18 PM
يا جمـاعة فى اعلانات لعمـرو ايه بس
البيدج بتزيد ببطـء جدا
غيـر كده
ازاى البيدج الرسمية للاكاديمي معمولة بقالها ييجي اسبوع
ومفهاش غير 40.000 بالكتير يعنى
انا مش عارف ايه ده

JusTin
06-07-2012, 04:37 AM
حضرتك فاهم الكلام غلط وللأسف ده بيتسبب انك بتتجاوز في الكلام بشكل غير مقبول

أنا قولت مكلفة بالنسبة لان مافيش عائد يستحق الذكر .. يعني لما اصرف 100 ألف علشان 100 مشترك زيادة يبقي مالهاش لازمة ومش دي الزيادة اللي هتفرق مع الصفحة ..
الرشق غش و عمل غير شرعي والفيس بوك بيمنعه لانك بتخلي الناس تشترك عندك من غير ما يعرفوا عن طريق الخداع وتقدر حضرتك ترجع للفيس بوك في النقطة دي لانه قفل صفحات كتير لنفس السبب.
قرشين؟! .. هو ده خلاص بقي الأسلوب السائد في السايت وبنرجع نقول الادارة وحشة !



اولاً حضرتك فيما يخص السعر اللي حضرتك ضربت بيه مثل فالنسبة دي بعيده تماماً عن الصحة
وانا اللي أسست اللجنة الالكترونية ومتابع كويس وفي واوقات كتير ساهمت في زيادة بيدج عمرو وحضرتك
ممكن تسأل محمد رأفت عن التعاون اللي كان بيننا ، والتعاون وصل ان انا دفعت من جيبي كمان عشان ازود
في الصفحة ، بس وصلني حاجه من محمد أحبطتني وقلت الله امال انا اتعب نفسي ليه بقى ؟؟؟

حضرتك انا بحب عمرو جداً ولازم تفهم اني لما قلت قرشين وغيري لما بينتقد مش بيقول كدا عشان شمتان في عمرو
او عايز ينتقده والسـلام ، بس كل واحد فينا بيحب عمرو بطريقته ، ربنا عرفوه بالعقل .. عمرو الحمد لله زي ما حضرتك بتقول
اغلى مطرب سعراً في الحفلات واقرب واحد منه ميجيش نص سعره ، وعقده مع روتانا بمبلغ وقدره وسُبل الدخل كتير
يعني فكرة ان السنجلات تبقى مصدر دخل زياده خاصة انه مش هيبقى مصدر الدخل اللي هو يعني ، وكل دا بالإضافة لإن
عمرو اصلاً مش مطرب صاعد محتاج يكون نفسه مثلاً بيخليني ويخللي غيري يسأل ميت سؤال .. طب ليه ميستغلش
السنجل دا في حاجه تانيه ؟ ينزلها حصري على قناة اليوتيوب مثلاً يلم بيها مشتركين او مشاهدات ، او حتى على دياب اف ام
كدعاية ليها ؟ يعني حضرتك مُدرك إن انا الوحيد اللي بسأل نفسي الاسئلة دي او بافكر فيها ؟ حضرتك نفسك مسألتش نفسك السؤال دا ؟؟

moody 7
06-07-2012, 05:14 AM
صوتنا اتنبح في الموضوع ده والادارة قالت شوفو حل واحنا نعملو غير موضوع الاعلانات لانه مكلف جدا ومبيجيبش نتايج كبيرة واما سألتهم اشمعنى صفحة تامر حسني اللي بتزيد بسرعه كده قالو بالغش والتزوير وسالتهم طب ليه هوة الوحيد اللي بيستخدم التزوير والغش في صفحته وبيعمل كده ازاي وازاي ادارة الفيس بوك سايبه صفحة تزيد بالتزوير قالولي روح اسأل تامر حسني والفيس بوك وده كان رد زيزو عضو الادارة فمتتعبوش نفسكو في الموضوع ده يعني هية جت على الصفحة الرسمية


هههههههههههههههههههههههه صفحه تامرر جابت 4 مليون واحنا زي ماحنا وكتابلهم ع صفحته شكرا لكم جميعا اكثر من 4 مليون مشترك بالصفحة من جميع انحاء العالم لأول مرة سيكون تامر حسني قريبا معكم يقرأ تعليقاتكم علي صفحته الرسمية علي الفيس بوك و تويتر علي الهواء مباشرة علي قناته الرسميه علي اليوتيوب , تابعونا لمعرفة التفاصيل قريبا كل مرة نفتخر بان احنا الاول ف كزا ولما جمهور تامر يعدينا فيها او يغلبنا فيها يبقى الحاجه ده ملهاش قيمه وتطلع االردود ااصله الشعبيه مش بعدد االفانس اصلي الشعبيه مش بالديوهات اممال االشعبيه تتقاس ازاي الاولل لما ككان جمهور تاامر دهه يفكر يقولان تامر مشهور واحسن من عمرو كنا نرد ع طول ونقول روح بص ع الفيس روح شوف اليوتيوب روح شوف عمرو غنى ديوهات مع مين روح شوف اغاني عمرو اترجمت فين دلوقتي لما الاخ التاني صفحته ع الفيس عدتنا واليوتيوب عدانا وبقى شركه انتاج عالميه بتنتجله مبقناش بنتعترف بالكلام ده تيجي ازاااااااااااااي حد هيقولي اصلي بيزيد بطريقه غير شرعيه مع اني ده بالزات صعبه اوووي يعني معتقدش لكن ف نفس الوقت الصفحه اكتف اووووي كل يوم بتحط حاجات جديده لكن صفحتنا ماشاء الله بيجيلها بالاربع خمس ايام مفهاش تحديث واحد يرضي اي حد حاجه كمان كلنا ملاحظه اي حاجه تامر بيعملها ان شاء الله اكل ايه النهارده بيعملولها دعايه فظيعه لكن احنا لا حتى الاكادميه ولا ليها اي دعايه عدله ترضي ربنا ومحدش يقاوحني ويقولي لا بدليل شوفي عدد المشتركين ف الاكادميه هما دول بس اللي فالعالم كله يتمنو يغنو مع عمرو اتحدى يكون اساسا ربع الموهوبين ف مصر يعرفو حاجه على الاكادميه ده والا كان ف اول يومين تلاته وصلنا لمليون مشترك يا جدعان ده عمرو دياب 20 سنه كفاح وشهره شوفلكم حل انا صعبان عليا احنا كجمهور لما يجي واحد من الجمهور التيييت بتاع سي تامر ده يطلع لسانه ويقولك تامر نجح عن عمرو بدليل واحد اتنين تلاته وانت متعرفش ترد عليه والاعلام كله هيصدقه عشان ده المعيار ولو فيه معيار تاني للشهره ياريت حد يقولي عليه

:thumbsup:

kIiko
06-07-2012, 11:59 AM
اولاً حضرتك فيما يخص السعر اللي حضرتك ضربت بيه مثل فالنسبة دي بعيده تماماً عن الصحة
وانا اللي أسست اللجنة الالكترونية ومتابع كويس وفي واوقات كتير ساهمت في زيادة بيدج عمرو وحضرتك
ممكن تسأل محمد رأفت عن التعاون اللي كان بيننا ، والتعاون وصل ان انا دفعت من جيبي كمان عشان ازود
في الصفحة ، بس وصلني حاجه من محمد أحبطتني وقلت الله امال انا اتعب نفسي ليه بقى ؟؟؟

حضرتك انا بحب عمرو جداً ولازم تفهم اني لما قلت قرشين وغيري لما بينتقد مش بيقول كدا عشان شمتان في عمرو
او عايز ينتقده والسـلام ، بس كل واحد فينا بيحب عمرو بطريقته ، ربنا عرفوه بالعقل .. عمرو الحمد لله زي ما حضرتك بتقول
اغلى مطرب سعراً في الحفلات واقرب واحد منه ميجيش نص سعره ، وعقده مع روتانا بمبلغ وقدره وسُبل الدخل كتير
يعني فكرة ان السنجلات تبقى مصدر دخل زياده خاصة انه مش هيبقى مصدر الدخل اللي هو يعني ، وكل دا بالإضافة لإن
عمرو اصلاً مش مطرب صاعد محتاج يكون نفسه مثلاً بيخليني ويخللي غيري يسأل ميت سؤال .. طب ليه ميستغلش
السنجل دا في حاجه تانيه ؟ ينزلها حصري على قناة اليوتيوب مثلاً يلم بيها مشتركين او مشاهدات ، او حتى على دياب اف ام
كدعاية ليها ؟ يعني حضرتك مُدرك إن انا الوحيد اللي بسأل نفسي الاسئلة دي او بافكر فيها ؟ حضرتك نفسك مسألتش نفسك السؤال دا ؟؟



:thumbsup::hmm:

جانا
06-07-2012, 12:27 PM
اولاً حضرتك فيما يخص السعر اللي حضرتك ضربت بيه مثل فالنسبة دي بعيده تماماً عن الصحة
وانا اللي أسست اللجنة الالكترونية ومتابع كويس وفي واوقات كتير ساهمت في زيادة بيدج عمرو وحضرتك
ممكن تسأل محمد رأفت عن التعاون اللي كان بيننا ، والتعاون وصل ان انا دفعت من جيبي كمان عشان ازود
في الصفحة ، بس وصلني حاجه من محمد أحبطتني وقلت الله امال انا اتعب نفسي ليه بقى ؟؟؟

حضرتك انا بحب عمرو جداً ولازم تفهم اني لما قلت قرشين وغيري لما بينتقد مش بيقول كدا عشان شمتان في عمرو
او عايز ينتقده والسـلام ، بس كل واحد فينا بيحب عمرو بطريقته ، ربنا عرفوه بالعقل .. عمرو الحمد لله زي ما حضرتك بتقول
اغلى مطرب سعراً في الحفلات واقرب واحد منه ميجيش نص سعره ، وعقده مع روتانا بمبلغ وقدره وسُبل الدخل كتير
يعني فكرة ان السنجلات تبقى مصدر دخل زياده خاصة انه مش هيبقى مصدر الدخل اللي هو يعني ، وكل دا بالإضافة لإن
عمرو اصلاً مش مطرب صاعد محتاج يكون نفسه مثلاً بيخليني ويخللي غيري يسأل ميت سؤال .. طب ليه ميستغلش
السنجل دا في حاجه تانيه ؟ ينزلها حصري على قناة اليوتيوب مثلاً يلم بيها مشتركين او مشاهدات ، او حتى على دياب اف ام
كدعاية ليها ؟ يعني حضرتك مُدرك إن انا الوحيد اللي بسأل نفسي الاسئلة دي او بافكر فيها ؟ حضرتك نفسك مسألتش نفسك السؤال دا ؟؟




:thumbsup::thumbsup:

Zizo
06-07-2012, 12:59 PM
اولاً حضرتك فيما يخص السعر اللي حضرتك ضربت بيه مثل فالنسبة دي بعيده تماماً عن الصحة
وانا اللي أسست اللجنة الالكترونية ومتابع كويس وفي واوقات كتير ساهمت في زيادة بيدج عمرو وحضرتك
ممكن تسأل محمد رأفت عن التعاون اللي كان بيننا ، والتعاون وصل ان انا دفعت من جيبي كمان عشان ازود
في الصفحة ، بس وصلني حاجه من محمد أحبطتني وقلت الله امال انا اتعب نفسي ليه بقى ؟؟؟

حضرتك انا بحب عمرو جداً ولازم تفهم اني لما قلت قرشين وغيري لما بينتقد مش بيقول كدا عشان شمتان في عمرو
او عايز ينتقده والسـلام ، بس كل واحد فينا بيحب عمرو بطريقته ، ربنا عرفوه بالعقل .. عمرو الحمد لله زي ما حضرتك بتقول
اغلى مطرب سعراً في الحفلات واقرب واحد منه ميجيش نص سعره ، وعقده مع روتانا بمبلغ وقدره وسُبل الدخل كتير
يعني فكرة ان السنجلات تبقى مصدر دخل زياده خاصة انه مش هيبقى مصدر الدخل اللي هو يعني ، وكل دا بالإضافة لإن
عمرو اصلاً مش مطرب صاعد محتاج يكون نفسه مثلاً بيخليني ويخللي غيري يسأل ميت سؤال .. طب ليه ميستغلش
السنجل دا في حاجه تانيه ؟ ينزلها حصري على قناة اليوتيوب مثلاً يلم بيها مشتركين او مشاهدات ، او حتى على دياب اف ام
كدعاية ليها ؟ يعني حضرتك مُدرك إن انا الوحيد اللي بسأل نفسي الاسئلة دي او بافكر فيها ؟ حضرتك نفسك مسألتش نفسك السؤال دا ؟؟





انا برد علي حضرتك بناء علي حاجة احنا عملناها فعلا والسعر فعلا كتير .. اليوم بـ120 دولار يعني حوالي 750 جنيه والعائد زيادة حوالي 50 معجب عن المعدل اليومي اللي بتزيد بيه البيدج بشكل طبيعي .. واعتقد ده هيبقي سفه في الصرف .. الموضوعات دي بتم بالدراسة وبالعقل وايه الفايدة اللي بطلع بيها من ورا اللي بصرفه.

الفنان عمرو دياب مطرب محترف في مهنته والشركات بتتسابق علي اغانيه ، ولو رجعنا للسنجلز اللي اصدرها بشكل رسمي هتلاقي اصلها بتفرق نزلت في سي دي - ياما وانت الوحيد نزلوا علي موبيل نوكيا - الحلم ولا يستاهل وفي حاجة فيك نزلوا علي موبينيل .. ده شئ يحسب لعمرو انه بيعرف يسوق اسمه ونجوميته والشركات بتتهافت عليه انما علشان ينزلها لمجرد لم اشتراكات زيادة اعتقد مش هتناسب عمرو ، الموضوع مش موضوع فلوس رغم ان عمرو من حقه مادام غني لازم يتربح لان هو ده شغله لكن الموضوع نجومية ونجاح من طراز فريد وغير مسبوق .. وعموما دي حاجة ترجع لعمرو في النهاية واكيد هفرح لو حصلت بس بفرح اكتر لما بشوف نجاحات عمرو الفريدة.

kIiko
06-07-2012, 01:34 PM
حضرتك فاهم الكلام غلط وللأسف ده بيتسبب انك بتتجاوز في الكلام بشكل غير مقبول

أنا قولت مكلفة بالنسبة لان مافيش عائد يستحق الذكر .. يعني لما اصرف 100 ألف علشان 100 مشترك زيادة يبقي مالهاش لازمة ومش دي الزيادة اللي هتفرق مع الصفحة ..
الرشق غش و عمل غير شرعي والفيس بوك بيمنعه لانك بتخلي الناس تشترك عندك من غير ما يعرفوا عن طريق الخداع وتقدر حضرتك ترجع للفيس بوك في النقطة دي لانه قفل صفحات كتير لنفس السبب.
قرشين؟! .. هو ده خلاص بقي الأسلوب السائد في السايت وبنرجع نقول الادارة وحشة !

طب يا استاذ زيزو ممكن نعرف ايه سبب البطـء الشديد ده
ده حتى المفروض الاكاديمية تساعد فى زيادة العدد :hmm:

Zizo
06-07-2012, 01:48 PM
طب يا استاذ زيزو ممكن نعرف ايه سبب البطـء الشديد ده
ده حتى المفروض الاكاديمية تساعد فى زيادة العدد :hmm:



هو مش موضوع بطء يا جماعة الناس التانية بتستخدم طرق غير شرعية في الزيادة الموضوع مش اعلانات .. الصفحة يوميا بتزيد من 1000 الي 2000 مشترك مش معقول هنعمل اعلان بـ750 جنيه يوميا علشان يبقوا 2050 مشترك

احنا يوميا بنفكر ايه اللي نقدر نعمله للبيدج ولليوتيوب والتويتر وفكرة الاكاديمية دي حل من الحلول للدعاية لصفحة اليوتيوب مثلا وعملالها دعاية كبيرة جدا والفيس بوك مش بنبطل تفكير وعموما فكرة الاعلانات واردة وهنشوف ايه النتيجة اللي هتحققها لو جربناها تاني .. لكن صدقوني اعلانات بعض الفنانين اللي بتشوفوها ما هي الا وسيلة يغطوا بيها الزيادة الوهمية وغير الشرعية اللي بتحصل ..

ماتفتكروش اننا ساكتين او حاطين ايدنا علي خدنا احنا عمالين نفكر و بيجي وقت مابنامش بسبب البيدج والسايت وياريت اللي عنده فكرة مناسبة يقولها واحنا مستعدين نسخرله كل الوسائل اللي تنجح فكرته واهو يبقي التفكير من كل النواحي وفي النهاية الشبكة دي بتاعتنا كلنا مش بتاع وليد ولا احمد ولا ابراهيم

جانا
06-07-2012, 02:00 PM
طب يا استاذ زيزو ممكن نعرف ايه سبب البطـء الشديد ده
ده حتى المفروض الاكاديمية تساعد فى زيادة العدد :hmm:


بصراحه انا من وجهة نظري شايفة البطء ده احد اهم اسبابه هوة اهمال الجيل الجديد اللي هوة قاعد على النت 24 ساعة الجيل ده يعرف عمرو دياب اسما بس لكن عمرو معتمد على جمهوره اللي بناه من التمانبنات واللي هوة كبر دلوقتي واتجوز واشتغل ومبقاش فاضي للكومنتات والمشاركه والنت ..لكن الجيل الجديد اللي ميعرفش عمرو فيه نجوم تانية اهتمت بيها عن طريق الزن في القنوات والدعايا والاعلانات لكن عمرو كليب كل سنتين مدته 3 دقايق بيتزاع على قناة واحده اللي هية روتانا اللي بتزيعه كل فين وفين ثانيا البوم عمرو بينزل باقل دعايا ومن غير اي اعلانات تليق بحجم نجم كبير زي عمرو دياب ومحدش يقولي عمرو مش محتاج دعايا واعلانات لا محتاج ونجوم العالم مهما كانت شهرتهم بيعملو اعلانات تليق بحجم نجوميتهم تالت حاجه عنصر الابهار بتاع زمان بتاع عمرو قل جدا مفاجأت عمرو من نيولوك ودويتوهات مبقتش موجوده تواجد عمرو على التلفزيون من لقاءات وحوارات اختفت شكل الحفلات اللي بيهم الجيل الجديد مش موجود عمرو محتفظ بنفس شكل الحفلات من 30 سنه من غير اي تطوير ولا ابهار وياريت الحفلات دي تتزاع عشان تجبر الجيل الجديد يعرفو حجم عمرو يسمعو اغانيه يتعرفو عليه لكن ده مش بيحصل فاكيد هوة ده السبب الرئيسي ان عمرو معتمد انه له تاريخ ومش عاوز يبني جيل جديد لو عمرو اعتبر نفسه في بداياته كان هيكسر الدنيا بالابهار واللوك والاغاني القريبة مننا الاهتمام بالكلمات اللي بتهم الشباب وغيره .... الجيل ده فاضي وقاعد على النت لقو نجوم تانية اقرب منهم بيشوفو اغانيه ولقاءات وافلام باستمرار وحفلات بشكل مختلفة وغيره...ياريت يا عمرو تنسى انك الاول على مدار 30 سنه وتعتبر نفسك لسه اول البوم ليك شوفو عمرو ساعتها هيعمل ايه ده راي ومستنية اسمع رايكو

جانا
06-07-2012, 02:03 PM
هو مش موضوع بطء يا جماعة الناس التانية بتستخدم طرق غير شرعية في الزيادة الموضوع مش اعلانات .. الصفحة يوميا بتزيد من 1000 الي 2000 مشترك مش معقول هنعمل اعلان بـ750 جنيه يوميا علشان يبقوا 2050 مشترك

احنا يوميا بنفكر ايه اللي نقدر نعمله للبيدج ولليوتيوب والتويتر وفكرة الاكاديمية دي حل من الحلول للدعاية لصفحة اليوتيوب مثلا وعملالها دعاية كبيرة جدا والفيس بوك مش بنبطل تفكير وعموما فكرة الاعلانات واردة وهنشوف ايه النتيجة اللي هتحققها لو جربناها تاني .. لكن صدقوني اعلانات بعض الفنانين اللي بتشوفوها ما هي الا وسيلة يغطوا بيها الزيادة الوهمية وغير الشرعية اللي بتحصل ..

ماتفتكروش اننا ساكتين او حاطين ايدنا علي خدنا احنا عمالين نفكر و بيجي وقت مابنامش بسبب البيدج والسايت وياريت اللي عنده فكرة مناسبة يقولها واحنا مستعدين نسخرله كل الوسائل اللي تنجح فكرته واهو يبقي التفكير من كل النواحي وفي النهاية الشبكة دي بتاعتنا كلنا مش بتاع وليد ولا احمد ولا ابراهيم


بصراحه الكلام عاجبني ومبسوطة ان فيه تناقش وتحاور واكيد ده يحسسنا احنا بالاهتمام تواصل الادارة مع الاعضاء مهم جدا وده نادرا مبيبقى موجوود واكيد هيبقى ليه نتايج كويسة وبتصب كلها لمصلحة عمرو

os_buffon
06-07-2012, 02:22 PM
طب هو احنا ليييية ببساطة منعترفش اننا بقينا رقم 2 ... منشوف تامر حسني بيعمل اية دلوقتي و مين اللي بقى ينتجلة و يوزعلة أغانيية و انتو تعرفوا لية بقى 4 مليون .. و نعرف لية برضو على اليوتيوب كمان معدينا بكتييييييييييييييير انا عن نفسي واحد من الناس خلاص اعترفت بحاجة زي دي .. و الصح اللي المفروض نعملة هو اننا نفكر ازاي نبقى رقم 1 تاني .. و ده مش صعب ... لأن احنا جمهور عمرو دياب .. لكن هنعد نقول غش و تزوير و الكلام الفاضي ده ... يبقى عمرنا ما هنرجع رقم واحد تاني ... و بعدين بالعقل لو غش و تزوير .. اي اللي هيخلي مجموع مشاهدات فيديوهات على اليوتيوب 74 مليون .. و احنا 40 مليون !!!!!!!!

جانا
06-07-2012, 02:37 PM
طب هو احنا ليييية ببساطة منعترفش اننا بقينا رقم 2 ... منشوف تامر حسني بيعمل اية دلوقتي و مين اللي بقى ينتجلة و يوزعلة أغانيية و انتو تعرفوا لية بقى 4 مليون .. و نعرف لية برضو على اليوتيوب كمان معدينا بكتييييييييييييييير انا عن نفسي واحد من الناس خلاص اعترفت بحاجة زي دي .. و الصح اللي المفروض نعملة هو اننا نفكر ازاي نبقى رقم 1 تاني .. و ده مش صعب ... لأن احنا جمهور عمرو دياب .. لكن هنعد نقول غش و تزوير و الكلام الفاضي ده ... يبقى عمرنا ما هنرجع رقم واحد تاني ... و بعدين بالعقل لو غش و تزوير .. اي اللي هيخلي مجموع مشاهدات فيديوهات على اليوتيوب 74 مليون .. و احنا 40 مليون !!!!!!!!


لا مش هنعترف لان دي مش حقيقة مش هنعترف بحاجه وهمية يعني عمرو مازال رقم واااحد بس فيه حاجات واقعه مننا زي الفيس واليوتيوب لكن المهم واهم مقياس هوة مبيعات الالبومات وجماهير الحفلااات لو فيه اي اثبات ان اي حد تخطى مبيعات عمرو او عدد جمهوره ساعتها نبقى نتكلم والسبب في نقص عدد الفيس واليو تيوب هوة اللي انا قلت عليه

kIiko
06-07-2012, 02:46 PM
هو مش موضوع بطء يا جماعة الناس التانية بتستخدم طرق غير شرعية في الزيادة الموضوع مش اعلانات .. الصفحة يوميا بتزيد من 1000 الي 2000 مشترك مش معقول هنعمل اعلان بـ750 جنيه يوميا علشان يبقوا 2050 مشترك

احنا يوميا بنفكر ايه اللي نقدر نعمله للبيدج ولليوتيوب والتويتر وفكرة الاكاديمية دي حل من الحلول للدعاية لصفحة اليوتيوب مثلا وعملالها دعاية كبيرة جدا والفيس بوك مش بنبطل تفكير وعموما فكرة الاعلانات واردة وهنشوف ايه النتيجة اللي هتحققها لو جربناها تاني .. لكن صدقوني اعلانات بعض الفنانين اللي بتشوفوها ما هي الا وسيلة يغطوا بيها الزيادة الوهمية وغير الشرعية اللي بتحصل ..

ماتفتكروش اننا ساكتين او حاطين ايدنا علي خدنا احنا عمالين نفكر و بيجي وقت مابنامش بسبب البيدج والسايت وياريت اللي عنده فكرة مناسبة يقولها واحنا مستعدين نسخرله كل الوسائل اللي تنجح فكرته واهو يبقي التفكير من كل النواحي وفي النهاية الشبكة دي بتاعتنا كلنا مش بتاع وليد ولا احمد ولا ابراهيم

ياريــت يا زيــزو
بس بجد مـاينفعش بيدج عمرو الرسمية تبقي بالعدد ده
والله المفروض اقل حاجه تبقي 15 مليون
و بيدج الاكاديمي مش عارف ازاى 40000 بس :(
بس يلا مش مهم
ربنا معــاكم
و ياريت يكون اسلوب النقاش و التواصل بين الفانز و الادارة بالاسلوب ده على طول :)

JusTin
06-07-2012, 03:15 PM
انا برد علي حضرتك بناء علي حاجة احنا عملناها فعلا والسعر فعلا كتير .. اليوم بـ120 دولار يعني حوالي 750 جنيه والعائد زيادة حوالي 50 معجب عن المعدل اليومي اللي بتزيد بيه البيدج بشكل طبيعي .. واعتقد ده هيبقي سفه في الصرف .. الموضوعات دي بتم بالدراسة وبالعقل وايه الفايدة اللي بطلع بيها من ورا اللي بصرفه.

الفنان عمرو دياب مطرب محترف في مهنته والشركات بتتسابق علي اغانيه ، ولو رجعنا للسنجلز اللي اصدرها بشكل رسمي هتلاقي اصلها بتفرق نزلت في سي دي - ياما وانت الوحيد نزلوا علي موبيل نوكيا - الحلم ولا يستاهل وفي حاجة فيك نزلوا علي موبينيل .. ده شئ يحسب لعمرو انه بيعرف يسوق اسمه ونجوميته والشركات بتتهافت عليه انما علشان ينزلها لمجرد لم اشتراكات زيادة اعتقد مش هتناسب عمرو ، الموضوع مش موضوع فلوس رغم ان عمرو من حقه مادام غني لازم يتربح لان هو ده شغله لكن الموضوع نجومية ونجاح من طراز فريد وغير مسبوق .. وعموما دي حاجة ترجع لعمرو في النهاية واكيد هفرح لو حصلت بس بفرح اكتر لما بشوف نجاحات عمرو الفريدة.




مبدئياً انا سعيد ان في تواصل ومشفق عليك بصراحة رديت كتير النهارده وعلى مواضيع اكتر
عشان كدا هسأل حضرتك سؤال واحد ومش هاكمل نقاش بقى عشان اوفر مساحة لغيري

يعني حضرتك شايف ان مردود تسويق سنجل من خلال موبينيل او من خلال موبايل نوكيا هيبقى افيد
من ان يتم طرحها من خلال قناة اليوتيوب او على دياب اف ام ؟ يعني مردود ايه اعلى ، وعمرو هيخاطب
شريحة اوسع بإنه يطرح السنجل من خلال موبينيل ولا من خلال اليوتيوب او دياب اف ام ؟

وشكراً لتواصل حضرتك

Zizo
06-07-2012, 03:23 PM
مبدئياً انا سعيد ان في تواصل ومشفق عليك بصراحة رديت كتير النهارده وعلى مواضيع اكتر
عشان كدا هسأل حضرتك سؤال واحد ومش هاكمل نقاش بقى عشان اوفر مساحة لغيري

يعني حضرتك شايف ان مردود تسويق سنجل من خلال موبينيل او من خلال موبايل نوكيا هيبقى افيد
من ان يتم طرحها من خلال قناة اليوتيوب او على دياب اف ام ؟ يعني مردود ايه اعلى ، وعمرو هيخاطب
شريحة اوسع بإنه يطرح السنجل من خلال موبينيل ولا من خلال اليوتيوب او دياب اف ام ؟

وشكراً لتواصل حضرتك


اللي اقصده بالاحتراف والنجاح ان لما مطرب يطرح سنجل ما ينزلهاش كده وخلاص .. الشركات بتتنافس عليها وعلي اللي يفوز وياخدها لنفسه لانه عارف انه هيحقق أرباح كويسة من ورا اسم بحجم عمرو دياب ودي النجومية اللي بقصدها .. انك لما تعمل سلعة تبقي مطلوبة وتقدر تسوق نجوميتك واسمك بشكل يناسبها وتخلق صراع علشان كده عمرو بيقول اللي له بديل مالوش سعر وطول ما هو بيقدم سلعة ليها سعر ومطلوبة بالشكل ده غير لما ينزلها علي اليوتيوب او علي النت للتحميل.

عموما زي ما قولت انا افرح لو اللي قولته حصل

اهلا بيك في اي وقت :)