ibrahim hhh

التفاصيل الكاملة لواقعة تصوريي مع الفنان عمرو دياب فى حفل موسي كوست 2015

Rating: 2 votes, 5.00 average.
أهلاً وسهلاً بيكُم فى البداية..


بإختصار وعلشان مطولش عليكُم الموضوع بدأ بمسابقة ويسترن يونيون للفوز بتذكرتين لحفله موسي كوست، الحمد لله كنت من الفايزين
تمّ اختيار 3 أشخاص لمُقابله الفنان عمرو دياب و الحمد لله أنا كُنت واحد من الفائزين..
إتبلغت قبل الحفلة بيومين من شركة ويسترن يونيون إن أنا من الفايزين بمُقابلة عمرو دياب و قبل الحفلة بيوم جالي مُكالمة من مديرة مكتب مدير شركة روتانا في مصر "الأستاذه داليا زين الدين"، طلبت مني أكلمها أول ما أوصل الحفلة علشان تساعدني للوصول لعمرو..
وصلت الساعه 7 مساءاً و قابلتها و قابلت مدير تسويق ويسترن يونيون في مصر "الأستاذ كريم"، أستاذه داليا إتصلت بمديرة أعمال عمرو دياب و حددت معاد معاها "9:30 مساءاً عند الكواليس" و بالفعل رُحنا في المعاد و بعد إنتظار أكتر من ساعة تقريباً وصل موكب عمرو دياب و دخل الكرافان يستعد لصعود المسرح..
قبل صعوده بـ 10 دقايق تقريباً، دخل كل واحد من الفايزين لوحده الكرافان لعمرو و إتصور معاه..

طبعا التوتر و القلق إللي كانوا عندي مَيتوصفوش، دخلت الكرافان و أول ما شُفت عمرو جريت عليه و حضنتُه و قُلت له "أنا مستني اليوم ده من 10 سنين.. أنا مَقدرش أوصفلك حبي ليك"
ضحك و قالي أانا كمان بحبك.
إتصورت معاه و قُلتله "مَتنسانيش يا عمرو" و خرجت و أنا عمّال أبُصله و شايفه بيبصلي و يبتسم..


خرجت من الكرفان و حاسس بسعاده مَتتوصفش.. سلمت علي مديرة روتانا و مدير تسويق ويسترن و قولتلهُم "مُش عارف أشكركوا إزاي إنتوا خلِّتوني أحقق حلم كبير من أحلامي..
بعدها واحد من منظمين الحفلة أخدنا لـ VIP area و هناك قابلت تامر حسين و إسلام ذكي و أحمد حسين، سلمت عليهم و إتصورت معاهم
و تابعت الحفله من vip area و أنا حاسس بسعاده كبيره..
خلصت الحفله و أنا راجع في الطريق كُل الناس إللي معايا ناموا من التعب لكن أنا مانمتش و عمّال أفكر في إللي حصل و خايف الصوره تطلع وحشة


25.9.2015
من احلي أيام حياتي إللي عمري من هنساها..حلم كبير من أحلام حياتي إتحقق الحمد لله.
Attached Thumbnails Attached Thumbnails Click image for larger version. 

Name:	12032319_1014743865243001_1829280517_n.jpg 
Views:	2503 
Size:	57.8 KB 
ID:	16167  

Submit "التفاصيل الكاملة لواقعة تصوريي مع الفنان عمرو دياب فى حفل موسي كوست 2015" to Facebook Submit "التفاصيل الكاملة لواقعة تصوريي مع الفنان عمرو دياب فى حفل موسي كوست 2015" to Digg Submit "التفاصيل الكاملة لواقعة تصوريي مع الفنان عمرو دياب فى حفل موسي كوست 2015" to del.icio.us Submit "التفاصيل الكاملة لواقعة تصوريي مع الفنان عمرو دياب فى حفل موسي كوست 2015" to StumbleUpon Submit "التفاصيل الكاملة لواقعة تصوريي مع الفنان عمرو دياب فى حفل موسي كوست 2015" to Google

Tags: None Add / Edit Tags
Categories
Uncategorized

Comments

  1. |Diab-GTR|'s Avatar
    Very lucky, happy for you bro