مرفوض

[رفعت محمد]

لأمتى ع مشاعرك الحصار مفروض
والكلام ف الحب عندك مرفوض
قافل بابك على الحب ليه
مين قّساك يا قلبي عليه
هو كان عمللك الحب أيه
كل ما بتجي سيرته القاك مخضوض
مرفوض مرفوض مرفوض

ما تحكمشي عالحب من قبل ما تعرفه
وتقول عنه أيّ كلام وتحّرفه
أديله فرصة منك يقّرب
بلاش تصدمه بقسوتك وتخّوفه
ولو طلب منك مرّة تنصفه
ما تقولش وأنا مالي وترجع تكسفه
سيبه مرّة يشرحلك حاله
يمكن يكون مش زيّ ما بتوصفه
قافل بابك عالحب ليه
مين قّساك يا قلبي عليه
هو كان عمللك الحب أيه
كل ما بتجي سيرته القاك مخضوض
مرفوض مرفوض مرفوض

لو جالك الحب حّس بيه
ما تقولش صعب وأخرته أيه
عيش الحب بكل ما فيه
وأوعه عنه في يوم تتنازل
ولو العين بكرة جت وأشتكتلك
من طول السهر والحيرة بكتلك
ما تقولشي يا ريتني ما كنت جيتلك
قول يا عين دا الحب بيستاهل
قافل بابك عالحب ليه
مين قّساك يا قلبي عليه
هو كان عمللك الحب أيه
كل ما بتجي سيرته القاك مخضوض
مرفوض مرفوض مرفوض

[diabation]

ما تحكمشي عالحب من قبل ما تعرفه
وتقول عنه أيّ كلام وتحّرفه
أديله فرصة منك يقّرب
بلاش تصدمه بقسوتك وتخّوفه
ولو طلب منك مرّة تنصفه
ما تقولش وأنا مالي وترجع تكسفه
سيبه مرّة يشرحلك حاله
يمكن يكون مش زيّ ما بتوصفه
قافل بابك عالحب ليه
مين قّساك يا قلبي عليه
هو كان عمللك الحب أيه
كل ما بتجي سيرته القاك مخضوض
مرفوض مرفوض مرفوض


الله الله

تسلم ايدك يا رفعت
ايه الكلام الجامد ده

جامده جدا جدا

[رووونا]

عجبانى جداااااااا كلاماتها حلوة واسلوبك جميل
وفعلا واصله جداااا وحاسه انها ليا
كالعاده فى تميز

[mimoSeVeN]

ياعم انت بتجيب الكلام ده منين


ماشاء الله عليك بجد تسلم دماغك يا ابو رفعت

الفكرة جديدة والتعبير بالكلمات رائع

[Earthvisitor]

رغم اعتراضي الفكرى علي الفكرة اللى بيتناولها مضمون الكلام

بس عجبتى بصراحة لأنها واقعيه و جديده كمان في طريقة التناول

[neroo]

حلوه اوى تسلم ايدك يا رفعت

[jljljl]

جميله اوى تسلم دماغك

[diaby_4ever]

جميل جدا
استمر

[DR/MOSAAD]

جميله اوى
تسلم يا رفعت

[haz(diab)zem]

ما تحكمشي عالحب من قبل ما تعرفه
وتقول عنه أيّ كلام وتحّرفه



جاااااااااامده اوووووووى يارفعت
بجد تسلم ايدك

[KareeM EzZ]

جميلة اوى اوى تسلم ايديك يا باشا

[Sheelan]

كلام جميل اوي يا رفعت و احساس صادق و جميل و معبر جدا
و دة المتعارف عليه من شاعر جامد زيك
بس المرادي انا بخالفك في الكلمات دي و احسن حاجة انه يخليه قافل بابه و ميفتحهوش
و يريح باله من وجع الدماغ اللي نهايته دايما مش مبشرة

[monosh4]

لو جالك الحب حّس بيه
ما تقولش صعب وأخرته أيه
عيش الحب بكل ما فيه
وأوعه عنه في يوم تتنازل

جمييييييييل اووووووووي
تسلم ايدك يارفعت

[mohasab]

فكرة جديدة وجميلة والتعبير عنها اجمل

تسلم يا رفعت

[{RAZAN}]

جميله جدا

[hard]

الحصار مفروض

يخربيت دماغك ايه الكلام الكبير ده بجد حلوه اوي إلي الامام ديما

[wael hassan]

الله ينور عليك يا رفعت فعلا جميله جدا

[mennat allah]

بجد قمة فى الروعه

[abdo_diab17]

جااااااااااااااااااااااااااااااااااااااااااااااااااااااااااااااااااااااااااااااا ااااااااااااااااااااااااااااااامد يا رفعت

بجد تسلم ايدك على رائعه من روائعك

كلمات جااااااااااااااامده

احساس جاااااااااااااااامد

تعبيرات قويه و ممتعه

متألق دائما يا رفعت

[وحياتي خليكي]

كتير حلوه وروعه وبالتوفيق