Page 1 of 3 123 LastLast
Results 1 to 20 of 42
  1. #1

    Default قرّبني منك

    لو كنت أقدر أوصف وأعبّر
    مش ح أبقى منك يا حبيبي أشطر
    بس اللي أدهى من كده وأخطر

    قدامك بيضيع منّي الكلام
    وأبص في عينيك أتوه تاني
    وكأني روحت لعالم تاني
    بلمسة أيديك بترجع تلقاني

    مافيش زيّ كده ولا في الاحلام

    قرّبني منك خُدني في حضنك
    قولّي الكلام اللي أنا مشتاقلُه
    خلّيني أسمع نبض قلبك
    وأنسى معاك العالم بحالُه


    بيعجبني فيك معايا أنسجامك
    وخفة دمك وحلاوة كلامك
    وبتعجبني أفكارك وأحياناَ جنانك

    يا بخت قلبي يا حبيبي بيك
    في بعادك عنّي مستحيل ألاقي
    ولا حبة صبر في قلبي باقي
    أن كنت بضعف يوم التلاقي

    بيبقى من لهفة قلبي عليك

    قرّبني منك خُدني في حضنك
    قولّي الكلام اللي أنا مشتاقلُه
    خلّيني أسمع نبض قلبك
    وأنسى معاك العالم بحالُه

  2. #2

    Default Re: قرّبني منك

    الله يارفعت جامد والله وحظي حلو ان كل مره انا اول واحد برد

    بــــــحــــــلم اعـــــــدي الـــــزمن فــــي نـــــطه مــــش ضــــــامن

  3. #3

    Default Re: قرّبني منك

    حدد الفكره يا محمد انتا مثلا فوق غزل بعدها رومانسي بعدها شوق فلازم توحد الفكره وتظبط الاوزان عن كدا لكن محاوله حلوة منك وحاول تبعد عن الكلمات المستهلكه زي ولا في الاحلام دي بتاعت عمرو دياب في حلوة الايام فحاول تبعد عن كده وحاول تشوف اغاني ياما وتكتب كتيير لان الكتابه بتزود المستوي واتمنالك التوفيق
    Last edited by MohaMed@GaMaL; 06-03-2010 at 12:01 AM.

  4. #4

    Default Re: قرّبني منك

    انت بتعمل قافيه حلوه وتمام بس بتختار كلام تقيل اوى ميتلحنش وصعب تسمعه فى اغنيه مكن شعر ماشى
    زيى اشطر التلاقى انسجامك كلام تقيل جدا حاول تكتب العاميه الدرجه للى احنا بنستخدمها ف حياتنا
    هتبقا احسن كتير وهتفرق معاك
    وربنا يوفقك
    انا جرالى ايه
    جرالى ايه
    شايف الحياه اجمل بعنيه

  5. #5

    Smile Re: قرّبني منك

    إزيك يا محمد

    نبتدي بالموهبه .. إنت عندك موهبه جميله .. بس عايز تنميها بالقرايه اكتر .. و تعرف اساسيات اكتر .. لأن في اخطاء كتيره في الاغنيه
    منها إن في كلمات متعملش قافيه مظبوطه اصلا .. عايز تعرف يعني إيه تظبط القافيه و كده .. و تبسط كلامك .. و الوزن شويه .. و كمان عايزك تقرأ كتييييير شعر و أغاني و نثر و كل حاجه .. بجد هتطلع حاجات احلي و احلي

    و أتمنالك التوفيق و إن شاء الله انا معاك في اي مساعده تحتاجها


  6. #6

    Default Re: قرّبني منك

    Quote Originally Posted by mohamed salem View Post
    الله يارفعت جامد والله وحظي حلو ان كل مره انا اول واحد برد

    اشكرك يا محمد وانا والله سعيد بان تكون اول من يرد

  7. #7

    Default Re: قرّبني منك

    Quote Originally Posted by mohamed@gamal View Post
    حدد الفكره يا محمد انتا مثلا فوق غزل بعدها رومانسي بعدها شوق فلازم توحد الفكره وتظبط الاوزان عن كدا لكن محاوله حلوة منك وحاول تبعد عن الكلمات المستهلكه زي ولا في الاحلام دي بتاعت عمرو دياب في حلوة الايام فحاول تبعد عن كده وحاول تشوف اغاني ياما وتكتب كتيير لان الكتابه بتزود المستوي واتمنالك التوفيق
    عزيزي محمد فكرة الكلمات محددة وواضحة وهي عدم قدرة الحبيب مجاراة حبيبه بالكلام الجميل فاقدم مبرراته واصف حاله بوجود الحبيب وفي بعاده هذا بالنسبه للفكرة
    اما الغزل والرومانسية والشوق فهي طريقة تناول الموضوع وهي كلها تعبر عن الحب وحتى العتاب والملام وغيرها أيضاً هي تعبير عن الحب الاختلاف يكون في الطرح وطريقة العرض ومن قال انه لا يمكن الجمع بين ما ذكرت
    بالنسبة للأوزان فلم تتحد اين يوجد خلل في الوزن حتى استطيع الرد عليه والنقد يا عزيزي يجب ان يكون ممن هو على دراية كافية بقواعد النحو والصرف مع الاشارة الى مكان الخلل بالتحديد
    بالنسبة لتعبير ولا في الأحلام فهو تعبير عامي مستخدم في الحياة اليومية وليس فقط في الاغنية التي اشرت لها وهو ليس مستهلك كما اشرت لانه لم يتم استخدامه بكثرة فهو ليس مثل بحبك موت او اشتقتلك وغيرها الكثير فهذا يعني انه لا احد يجب ان يكتب هذة الكلمات
    أخيرا شكر لك على النصائح
    Last edited by رفعت محمد; 06-03-2010 at 01:05 PM.

  8. #8

    Default Re: قرّبني منك

    والله يا رفعت فاهم احساسك وقصدك بس انا بقولك النقد ده علشان تطور اسلوبك وتبسطه علشان في الحلم2010تقدم حاجة كويسه فاهم قصدي يا رفعت وربنا يوفقك في اللي جاي

  9. #9

    Default Re: قرّبني منك

    حلو, الف شكر

  10. #10

    Default Re: قرّبني منك

    مش عايز ابقى قاسي عليك في النقد وفي رأيي بس لازم اقولك الصراحة عشان تقدر تحسن من نفسك

    للأسف انت استخدمت كلمات تقيلة وهتبقى تقيلة جدا لو الاغنية جت تتلحن

    زي

    انسجامك - التلاقي - ادهى

    في حاجات القافية فيها مش مضبوطة زي انسجامك + جنانك

    وتعالى بقى لاخطر حتة في الاغنية وهي السينيو

    السينيو لازم يكون ماشي على قافية وانت قلت مشتاقله + بحاله

    مش شرط عشان الكلمتين بينتهوا بنفس الحروف يبقوا قافية مضبوطة

    لان مثلا في كلمتين زي حبيبي و قلبي بينتهوا بنفس الحرفين لكن مش قافية

    حاول كده تنطق مشتاقله و بحاله هتلاقي مش نفس النهاية

    وده ميمنعش ان فيها حاجات حلوة زي

    وأبص في عينيك أتوه تاني وكاني روحت لعالم تاني

    انت عندك موهبة محتاجة ننثقل وتتنمى ومستني منك حاجات احسن من كده بكتير

    Liberta ' kanet maktopa ..
    And it's killing me when you're away ! And I wanna leave , And I wanna stay ..
    >> Shizophrenia <<

  11. #11

    Default Re: قرّبني منك

    Quote Originally Posted by mohamed@gamal View Post
    والله يا رفعت فاهم احساسك وقصدك بس انا بقولك النقد ده علشان تطور اسلوبك وتبسطه علشان في الحلم2010تقدم حاجة كويسه فاهم قصدي يا رفعت وربنا يوفقك في اللي جاي
    اشكرك يا صديقي

  12. #12

    Default Re: قرّبني منك

    Quote Originally Posted by ctx1100 View Post
    انت بتعمل قافيه حلوه وتمام بس بتختار كلام تقيل اوى ميتلحنش وصعب تسمعه فى اغنيه مكن شعر ماشى
    زيى اشطر التلاقى انسجامك كلام تقيل جدا حاول تكتب العاميه الدرجه للى احنا بنستخدمها ف حياتنا
    هتبقا احسن كتير وهتفرق معاك
    وربنا يوفقك
    شكرًا على المشاركة
    اما عن الكلمات التقيلة اللي صعب تتلحن فاحب أقولك انه أصعب القصائد لحنت وغنت والملحن الشاطر يعرف يلحن الكلام الصعب ومش لازم الكلام يكون مكتوب متلحن
    اما كلمة تلاقي اللي شفتها حضرتك صعب تتلحن أذكرك بأغنية لعلاء عبد الخالق بيقول فيها
    بحلم الاقي يوم التلاقي شفايفك بتضحك لقلبي الحزين
    اما انسجامك فهي أيضاً كلمة عامية ومستخدمة في الحياة يا عزيزي وايضا موجودة في عدة أغاني بعدة صيغ
    مع شكري الجزيل لك
    Last edited by رفعت محمد; 06-04-2010 at 03:13 PM.

  13. #13

    Default Re: قرّبني منك

    Quote Originally Posted by star_mero2 View Post
    إزيك يا محمد

    نبتدي بالموهبه .. إنت عندك موهبه جميله .. بس عايز تنميها بالقرايه اكتر .. و تعرف اساسيات اكتر .. لأن في اخطاء كتيره في الاغنيه
    منها إن في كلمات متعملش قافيه مظبوطه اصلا .. عايز تعرف يعني إيه تظبط القافيه و كده .. و تبسط كلامك .. و الوزن شويه .. و كمان عايزك تقرأ كتييييير شعر و أغاني و نثر و كل حاجه .. بجد هتطلع حاجات احلي و احلي

    و أتمنالك التوفيق و إن شاء الله انا معاك في اي مساعده تحتاجها

    أولاً شكرًا على الكلام الجميل ثانياً أكيد الواحد بيفضل يتعلم لحد ما يموت بس يا ريت انه لما يكون في شي غلط يكون محدد حتى الواحد يستفيد مش كلام بشكل عام زي في كلمات متعملش قافية دون الاشارة الى اي كلمات حتى اقدر استفيد من الخطأ اذا كان موجود او حتى ارد عليه اذا كان غير ذالك

  14. #14

    Default Re: قرّبني منك

    Quote Originally Posted by رفعت محمد View Post
    شكرًا على المشاركة
    اما عن الكلمات التقيلة اللي صعب تتلحن فاحب أقولك انه أصعب القصائد لحنت وغنت والملحن الشاطر يعرف يلحن الكلام الصعب ومش لازم الكلام يكون مكتوب متلحن
    اما كلمة تلاقي اللي شفتها حضرتك صعب تتلحن أذكرك بأغنية لعلاء عبد الخالق بيقول فيها
    بحلم الاقي يوم التلاقي شفايفك بتضحك لقلبي الحزين
    اما انسجامك فهي أيضاً كلمة عامية ومستخدمة في الحياة يا عزيزي وايضا موجودة في عدة أغاني بعدة صيغ
    مع شكري الجزيل لك
    حتى لو الكلام هيتلحن فا الملحن اولا بيدور على الكلام الجديد
    و للى سهل يتحلن و مكتوب بسلاسه وموصل المعنى بأبسط طريقه
    وانت بتقول علاء عبد الخالق فا الكلام قديم مش جديد
    دا للى اقصده
    وشكرا
    انا جرالى ايه
    جرالى ايه
    شايف الحياه اجمل بعنيه

  15. #15

    Default Re: قرّبني منك

    Quote Originally Posted by ctx1100 View Post


    حتى لو الكلام هيتلحن فا الملحن اولا بيدور على الكلام الجديد
    و للى سهل يتحلن و مكتوب بسلاسه وموصل المعنى بأبسط طريقه
    وانت بتقول علاء عبد الخالق فا الكلام قديم مش جديد
    دا للى اقصده
    وشكرا
    أنا فقط اديتك مثل لكلمة التلاقي متلحنة يعني مش صعب انها تتلحن هذا ما قصدته وما لوش علاقة قديم او جديد وشكرا لك من جديد

  16. #16

    Default Re: قرّبني منك

    حلوة الكلمات بس فيه اقوى من كده
    تسلم ايديك

  17. #17

    Default Re: قرّبني منك

    Quote Originally Posted by elshared View Post
    حلوة الكلمات بس فيه اقوى من كده
    تسلم ايديك
    فعلا اغانيك اللى قبل كده اجمد بكتيررررررررررر

  18. #18

    Default Re: قرّبني منك

    بصراحة عجبني اووووي الكلام برافو


  19. #19

    Default Re: قرّبني منك

    Quote Originally Posted by ahmad aseri View Post
    حلو, الف شكر
    اشكرك يا احمد

  20. #20

    Default Re: قرّبني منك

    احساس فوق الوصف وكلام اجمل بجد تسلم ايدك ودماغك

Page 1 of 3 123 LastLast

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •