مـسـابقـه "اغـانـى وبـنـعيـشـها" الـمـوسـم الاول واغنيه فـاتـت جـنـبـنا

[KaLoSha DiaB]

السلام عليكم جميعا يا رب تكونو بخير



اولا التعريف بالمسابقه

المسابقه عباره عن اغنيه بأختارها وبيبقى فيه اغنيه بتتألف على نفس قصه الاغنيه دى

وتم اختيار اغنيه عبد الحليم الرائعه فى الموسم الاول وهى اغنيه "فاتت جمبنا" بالتوفيق للجميع

ثانيا المتسابقين فى أول مسابقه 4 متسابقين هيتم الأعلان عنهم بعد انتهاء التصويت فى المسابقه ان شاء الله

حابب اقول حاجه اولا انا واثق جدا من الاربع متسابقين لأنهم بجد ناس محترمه جداا والمسابقه وديه يعنى مش مستاهله انها يحصل فيها غش او كده ومبسوط جدا انى معايا اربع متسابقين رائعين زى الشخصيات دى

طريقه التصويت

هتكتب او هتكتبى انا برشح الاغنيه رقم كذا دون ابداء رأى فى اى اغنيه وممكن زى ما كان بيحصل مثلا فى مسابقه شاعر البورد انك تكتب تحيه لصاحب الاغنيه رقم كذا بس طبعا الصوت بيتحسب للأغنيه اللى انت مصوتلها

التصويت هيغلق يوم 11/10 الساعه 12 مساءا وهيتم فرز الاصوات لو فيه اغنيتين متساويتين ممكن نأخر التصويت ليوم كمان ان شاء الله

اول مركزين ليهم شهادات تقدير ان شاء الله
والمركز التالت والرابع ليهم شهادات مشاركه متميزه فى المسابقه
وطبعا حابب اقول ان الكتابه على فكره الاغنيه دى حاجه مش سهله خالص
فبالتوفيق للجميع

سـيـتــم عــرض الاغــانــى فـى المشــاركه القـادمه

يتبع

[KaLoSha DiaB]

الاغنيه الاولى

كنت واقف مع صاحبى لقيتك جايه بتعدى
بصيت لعنيكى فجأه ضحكتى وماشية بتهدى

الضحكة رايحة لمين لما احنا كنا اتنين
معقوله تكون دى ليا مش عارف اسال مين

يمكن متكونش ليا وكانت للى جنبى
وكل دى احلام رسمتها لنفسى

بصيت لصاحبى اسأله الضحكة دى كانت لمين
اتاريكى شغلتيه وبقينا احنا الاتنين بضحكتك تايهين

جت فرصه تانيه قابلتها انا وصاحبى
حسيت كأنى بحبها أنا وصاحبى

الشك كان هيموتنى والغيرة بتعذبنى
زادت عليا همومى واتجمعت احزانى

كل أما أشوف صاحبى يكون فرحان أقول دول مبسوطين
ولما أشوفه حزين أقول من بعض زعلانين

علشان أريح بالى بعتلها سألتها
أدينى قاعد فى حيرتى مستنى ردها

فى جوابها فتحت قلبها وقالتلى كانت ليك
ازاى ياقلبى ظلمتها طلعت هتموت عليك

الاغنيه التانيه

عدت وضحكت ضحكه فيها م الملايكه حاجات كتير
خدتنى بيها لدنيا تانيه خلت عينيا م الفرحه تتطير
سابتنى روحى طلعت لفوق
واما صحيت وابتديت افوق
لقيتنى بسرح وعينى تايها لقيت جواها سؤال كبير

الضحكه دى قاصده مين ... اصل كنت مش لوحدى
احنا كنا ساعتها اتنين ... ف احتمال الضحكه تعدى
مش هروح واروح فين ... ملوش لزوم ناخد وندى

وفات يومين اتنين تلاته ولقيت ف بالى كل حاجه
رسم العيون والشفايف واللى عيشتنى الف حاله
وفجاه صدفه مره تانيه
لمحت بعينى واحد جايه
ركزت شويه طلعت هى جايا تقولى لهواك محتاجه

ياسلام دا بجد الليله عيد ... ليله عندى بمليون سنه
حسيت فيها احساس جديد ... دوقت فيها طعم الهنا
لاء ومن غير ما اعيد وازيد ... طلعت كات قصدانى انا

الاغنيه التالته


فاتت جمبنا واحنا واقفين .. ومفيش غيرنا بس الاتنين
بصت بصة بطرف عنيها .. وبصينا كمان احنا عليها
يا ترا كانت بتبص لمين .. بتبص عليا ولا عليه هوا
ياترا مخبيــة ايه جـــــــــــــوا .. لازم نصبر ونكـون عاقليــن

فضلنا فى حيرة ملهاش اخر .. اصل دي جايبة من الاخر
جميلـة وحلـوة ورقيقـة .. وبصت بعنيها بصـة بريئـة
اقولـه لـيك يقولـى ليـك .. ومحتارييـن ايــه الحقيقـــة

سابنى واقف وقالى انا ماشى .. قولتله طيب خلاص ماشى
بعد شوية لقيتها جاية بتبص تانى .. يبقى البصة كانت عشانى
روحت قولتلها من شوية .. كنتى ماشية وبصيتى عليا انا وهو
قالت كنت ببص عليك انت .. امال يعنى هبص له هوا ؟

وكنا فى حيرة ملهاش اخر .. اصل دي جايبة من الاخر
جميلـة وحلـوة ورقيقـة .. وبصت بعنيها بصـة بريئـة
اقولـه لـيك يقولـى ليـك .. ومحتارييـن ايــه الحقيقـــة

الاغنيه الرابعه


واقفين انا وصاحبي نتكلم عدت علينا بنت وضحكت
ضحكت لمين فينا انا عايز اتاكد
بتضحك وانا واقف مبلم وباصصلها لحد اما مشيت
لازم اشوفها واسألها عشان اتاكد

اول ما عدت ثبتتني عينيها يا نهارابيض علي عينيها
خايف احلم والضحكه تكون لصاحبي
مش عارف ايه اللي غيرني وليه يا قلبي محيرني
يمكن الضحكه مش ليا ده لصاحبي

وانتهت الحيره وسألتها كنت بتضحكي لمين فينا
قالتلي ليك وواقف بحلم قدامها
ده انا وقلبي وقتها كانت الدنيا بتلف وتدور بينا
وانا مش مصدق ان ده كلامها

اول ما عدت ثبتتني عينيها يا نهارابيض علي عينيها
خايف احلم والضحكه تكون لصاحبي
مش عارف ايه اللي غيرني وليه يا قلبي محيرني
يمكن الضحكه مش ليا ده لصاحبي


ممنوع تصويت اصحاب الاغانى الاربعه سواء لأغنيتهم أو لأى اغنيه اخرى
يعنى مش عاوز اشوف وشكم فى التوبيك بالعربى هههههههه

[wael hassan]

الاغنية الاولى

[hard]

الاغنيه التانيه

[mohasab]

التالتة

[Mido Ahmed]

التانيه

[kazooza]

التانية

[star_mero2]

الاغنيه التانيه

[محب الهضبه]

الأغنية الثالثة

[the heart spri]

الاغنية الاولى طبعا

[diabaia]

الاولى

[رفعت محمد]

الثانية

[Mahmoud Loutfy]

بالتوفيق للجميع ونتمني اني المسابقة تظهر بالصورة الطيبة زي اي مسابقة قبل كده

حظ طيب للمشتركين

[madlm]

الاولى

[Mona]

جميله فكرة المسابقة

بختار الاغنيه التانيه
شكرا ليكم

[tefa]

جامدة اوى فكرة المسابقة

انا بختار

الغنوة التانية

[احمد شاشو]

التانيه

[mahmoud shokry]

الاولى..
....هيا افضلهم بس حاسس انو كلو كاتب عشان القافية ومركز عليها اكتر من الكلام.....
................خيرها فى غيرها ان شاء الله.....انا اسف انى اتأخرت فى تسليم الاغنية لانى المفروض كنت المتسابق الخامس...

دا جزء من اللى كتبتو...
..................................
انا وصاحبى وكام كلمه...كانو ما بينا بيتقالو...
وسرحنا انا وهو فى نسمة....عدت قدامى و قدامو...
وفجأه سكت منا الكلام...واتقال كلام كتير جوانا...
ليا دى كانت ضحكتها...ولا دى كانت ضحكالو
..................................

شكرا

[nabil thabet]

الاغنيه الاولى

بالتوفيق للجميع

[عاشق الاسطورة]

المسابقه فكرتها متميزه

و أنا صوتى هيروح للغنوة التانيـــه


--
بالتوفيق للجميع