Results 1 to 8 of 8
  1. #1

    Default افكاركم واقتراحاتكم لحملة مصري بجد

    السلام عليكم
    ازيكم يا شباب
    .
    .
    الموضوع ده معمول للاقتراحات والافكار لو حد عنده فكرة جديدة ممكن تقوم بيها حملة مصري بجد
    يا ريت لو حد عنده افكار او اقتراحات وازاي ونسع نطاق عملنا يشاركنا بافكاره هنا
    وشكرا ليكم

  2. #2

    Default Re: افكاركم واقتراحاتكم لحملة مصري بجد

    ممكن نعمل مراثون رياضى ندعى فيه الناس تتوقف عن التدخين و تمارس الرياضة و ممكن نعمل زيارة للكنائس و المساجد الاثرية و شعارها يبقى الوطن للمصريين و الدين لله سبحانة و تعالى و ممكن ننزل فى الشوارع و الميادين الى مفيهاش عساكر للاشارات و نقوم احنا بتنظيم المرور فى المناطق دى

  3. #3

    Default Re: افكاركم واقتراحاتكم لحملة مصري بجد

    انا كل اللي اتمناه انه يكون في اهتمام اكبر بالاقاليم

    دا هيفيد الحملة اكتر وهيوصل الدعم للي يستحقه فعلا

    كمان لو ينفع مشاركة منظمة من الجامعات في الحملة

    هيبقي شيء جميل جدا واضافة كبيرة للحملة وكمان زيادة لنشاطها

  4. #4

    Default Re: افكاركم واقتراحاتكم لحملة مصري بجد

    شكرا لصاحب الموضوع

    1- عند التجمع يبدأ الجميع بالتحية والتعارف بالاسم فقط
    2- القاء خطبة وطنية فقط من قائد الحملة
    3- لو فى مسابقة او حاجة تتعمل
    4- سماع اقتراحات جميع الموجودين بالحملة
    5- التوكل على الله


    على فكرة عن تجربة الحملة بتعمل كل ده
    وعن تقديرى الشخصى المتواضع
    الحملة ناجحة بنسبة 93% بجد هايلة بالتوفيق

  5. #5

    Default Re: افكاركم واقتراحاتكم لحملة مصري بجد

    اقتراحي : يكون في اعلانات تلفيزيونية للحملة و بس

  6. #6

    Smile Re: افكاركم واقتراحاتكم لحملة مصري بجد

    طبعا زي احمد مجدي ياريت فعلا يكون فيه اعلانات للحملة في التليفزيون
    +
    ياريت عمرو دياب يسافر بنفسه مع الفريق بتاعه لبلده بورسعيد يا اخي لو احنا موحشناهوش هو واحشنا كلنا


  7. #7

    Default Re: افكاركم واقتراحاتكم لحملة مصري بجد

    fekraa 7elwa awyyyy
    GAME&OVER
    NO PLAY


  8. #8

    Default Re: افكاركم واقتراحاتكم لحملة مصري بجد

    اولا: ربنا يوفق كل القائمين علي الحمله ويجازيهم عليها خير ويجعله في ميزان حسناتهم

    بالنسبه للاقاليم : لاني اصلا انا عايش في بلد ريفي ونفسي الحلم دا يتحقق بس مش قادر انفذه للاسف ............
    غير طبعا البلدان الفقيره انا بقترح ان يكون من ضمن حملاتكم حمله مثلا بعنوان "ثقف نفسك "
    وبقترح مثلا ان كل الدعم في الحمله اللي زي دي يكون عباره عن كتب في مختلف المجالات
    الالكترونيه , الطبيه , الهندسيه ,لغات , الدينيه , الترفيهيه , الرياضيه , جميع المجالات
    لان انا حاسس ان اهم ما ينقص القري والاقاليم هو الوعي الثقافي اللي هيساهم بشكل او باخر في رقي المجتمعات الريفيه وبالتالي هيساهم بنسبه كبيره اوي في نهضه البلد

    يعني نفسي اشوف من القري النسبه الاكبر تبقي عارفه كمبيوتر وعارفه لغات وتعرف تتكلم في السياسه نفسي اشوف في القري كمان ايجابيه اكبر واقبال علي الاعمال الخيريه نفس الروح دي تتنقلهم لما اي قريه يروحلها عدد كبير من الشباب اللي زيهم اللي فاهم اوي وييشوفوا الناس دي وهيا مقبله علي الاعمال الخيريه اكيد دي لوحدها عمل كويس هيساعد الناس دي انها تتاثر منها


    يعني ما فيش قريه قريبه مني رحتها لقيت في مركز الشباب بتاعهم مكتبه ينفع يطلق عليها اسم مكتبه , كلها مسميات بدون اي محتوي

    او ممكن مثلا تروحوا قريه تعملوا فيها اي عمل يشجع الناس والاطفال انها تعمل زيكم يعني مثلا من الناحيه الجماليه موضوع تشجير او دهانات او اي عمل بسيط يعني يخلي الناس تحس انهم مهملين في حق نفسهم او يحسوا انهم فعلا ممكن يغيروا من بلدهم للافضل
    وهيشجع الناس انها تعمل كدا مع القري المجاوره وتعمل عماله مشتركه من كل القري للمساعده في رقي كل القري المنتمين ليها
    حاجه زي كدا
    انا عارف كويس انها لها معني كبير اوي لو اتنظمت صح


    اتهيالي ان المجتمعات الريقيه لما يتنقلها ان الولد الشاطر مش بس اللي بيجيب طب وصيدله وهندسه او ان دا مش بس دورهم في الحياه , اكيد فيه حجات كتيره هتتغير

    واخيرا الف شكر علي الموضوع الرائع دا يا بشمهندس وربنا يوفقكم كلكم في عمل الخير يا رب

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •