Re: تصويت بخصوص منع طرح الألبومات الغنائية للتحميل بالمنتدي
خطوة ممتازة وكنت اتمني انها حتي تتطبق من غير استفتاء ويكون الموقع بيحمي حقوق الملكية الفكرية
علي كل قسم من اقسام الموقع انا مع المنع ولكن هل ؟؟؟
اولا : هل القرار بمنع لينكات الالبومات الجديدة اقصد الاصدارات الحديثة فقط ولا هيكون علي اي البوم لاي فنان ؟
ثانيا : هل القرار بمنع لينكات الالبومات كاملة فقط ولا بمنع اي لينك لاي اغنية رسمية لاي فنان ؟
ثالثا : هل القرار بالمنع يترتب عليه عدم فتح مواضيع لطلب اغاني لمطرب معين مثلا
رابعا : هل القرار بمنع اي اصدار رسمي لاي فنان والاغاني اللي متاح وضع لينكاتها هتكون من قنوات المطربين الرسمية فقط اليوتيوب مثلا وغير كدا ممنوع لانه بالطبع اي لينك غير رسمي هيكون هو كمان ضد حقوق الملكية للفنان ؟
مقصد كلامي ان لو هيبقي فيه تطبيق لخطوة المكلية الفكرية علي عموم اقسام الموقع يبقي لازم الادارة تراعي الموضوع من كل النواحي ولو هتطبق حقوق الملكية الفكرية يبقي لازم تتطبق من الالف للياء عشان لو حصل والقانون مطبقش كامل اكيد هيحصل مشاكل وثغرات ممكن بعض الاعضاء يدخلوا منها ويحصل مشاكل ادارة الموقع في غني عنها
طبعا لو حصل وقرار المنع اتنفذ طبعا المناقشه هتظل موجودة يعني اي البوم جديد ينزل او اي اغنية بمعني اشمل بقي اي اصدار رسمي لاي فنان محمي بحقوق ملكية فكرية عادي جدا مناقشة هذا العمل من كل النواحي فقط بدون وضح لينكات لهذا العمل
Originally Posted by muhammed
Bookmarks