Page 1 of 20 123 ... LastLast
Results 1 to 20 of 393
  1. #1

    Default هذة نظرتنا التى اعتدت ان تحترمها ... رسالة الديابيين الى عمرو دياب


    بسم الله الرحمن الرحيم

    ............................




    كلنا هنا فانز الفنان عمرو دياب كبيرنا و صغيرنا .. اللى بقالو سنين بيسمع عمرو و اللى بيسمع عمرو من امبارح

    بنحب عمرو دياب بجد وهو حاجة مهمة جداً فى حياتنا وعاوزين دايما منو الجديد ، بس لما تتجمع حاجة فوق حاجة فوق حاجة يبقى لازم نقف ونقول راينا لان دة حقنا وحقنا على عمرو انو يسمعنا "وطلباتنا و اقتراحتنا يوصلوا بالشكل المطلوب"ا
    القايمة اللى جاية فيها مجهود اعضاء كتير وطلبات واقتراحات اتكررت مراراً وتكراراً بمختلف الأشكال و الأساليب
    احنا عارفين ان عمرو عارف هو بيعمل ايه ، بس مش معقول كل الناس حست نفس الاحساس فى وقت واحد ويكون الامور ماشية صح !!ا


    الافكار العامة
    ......

    ا1-عمل لقاء تليفزيونى مره كل عام
    ببساطة بيوحشنا عمرو دياب .. بيوحشنا كلامه و اسلوبه وافكارة للمستقبل و الجيل الجديد من حقة انة يسمع عمرو و هو بيتكلم ويشوف فكرة
    وفى حاله اذا كان اللقاء التليفزيونى صعب !! فممكن نعوض ده بلقاء مع احد مذيعى "دياب اف ام" و يتم عرضه على القناه الرسميه على اليوتيوب


    ا2-عمل لقائات دورية على دياب اف ام
    الفكره هنا هتكون مختلفه عن الفكره السابقه ، الفكره هنا ان دايماً عمرو هيكون معانا فى اى عمل فنى بيعمله
    بمعنى ان فى الأستديو هيكون معانا بلقاء وفى الحفلات هيكون معانا بلقاء وفى الجولات العالميه هيكون معانا وفى التحضير للألبوم هيكون معانا
    الصور مابقتش كفايه "دياب اف ام" لاااازم يتفعل دورها


    ا3-تنفيذ استفتاءات الأغانى و الكليبات
    استفتاء قال فاكرينك - ياريت سنك - جانى قالى - بقى عشان عايزانى
    استفتاء الكليبات الأخير

    طالما الناس دخلت فى استفتاء لابد احترام وجهة نظرهم و الا مكنش اتعمل من الاساس ، الناس بتبنى احلامها كلها على اساس نتيجة الاستفتاء وفى الاخر مبيتمش العمل بها !! وبالتالى النتيجه بتكون مخيبه للأمال


    ا4-رغبة الجمهور فى كليب رومانسى او دراما


    ا5-مشروع الدويتو
    دويتو يعنى انتشار خارجى ضخم ، يعنى جمهور ضخم هيسمع صوت عمرو دياب ويعرف ان فية موهبة متفجرة غايبة عنهم ! . وعمرو اكتر واحد عارف الكلام دة ! وهو اللى علمه لينا !!ا
    كلنا بنحلم بالدويتو العالمى بمعنى الكلمه و اننا
    نشوف فيديو كليب ليه يعمل نسبة مشاهدات تاريخية



    ا6-اغانى الدراما و الطرب الغايبة عن الالبومات الاخيرة وتناول موضوعات غير مواضيع الحب
    جمهور عمرو دياب القديم و الجمهور المصرى بصفة عامة بيستنى اغانى حزينة و رومانسية ، والأغانى الطربيه زي حبيبي يا عمرى اللى متكررتش تانى للاسف على الرغم انها من اقوى اغانى عمرو دياب على الاطلاق
    و لازم مواضيع مختلفة بعيدة عن اطار الحب على سبيل المثال رصيف نمرة خمسة - راحل - رجعت من السفر - انا مهما كبرت صغير - طبع الحياة - ريحة الحبايب وغيرهم كتير
    لفت نظرنا فى الحفلة الاخيرة ان عمرو بعد غناء (تعبت كتير) قال انا عندى كلمات من دى كتير بس مين يسمع!!!!!!!!! لازم عمرو يعرف ان كل جمهورة بلا استثناء مستنى يسمع الاغانى دى منة فى الالبوم وبنكرر الكلمة الى ياما قولنها ليه "بس انتا تغنى واحنا معاك"ا


    ا7-تفعيل دور السايت والتواصل مع عمرو دياب
    السايت الرسمى هو : "سايت للتواصل المباشر بينى وبين جمهورى" ، كلمة قالها عمرو فى مؤتمر نوكيا

    والى الأن الكلمه دى لم تنفذ بالشكل المطلوب ومش حاسين بيها ، صحيح عمرو بقى اقرب لينا بس احنا لسه بعااااد عن عمرو ، طلباتنا مش بتتنفذ او بنحس انها مش بتوصل ، كلمه التواصل محتاجه تطبق بشكل فعلى


    ا8-مشروع الاكاديمية المؤجل
    اكاديمية عمرو دياب . حلم شباب كتير اوى بنت كل افكارها على اساس الاكاديمية دى واشترت التليفون ! ، وفجأة اختفى مشروع الاكاديمية تماما وانهارت احلام الشباب دى اعتقد من الظلم اننا نستنى اكتر من كدة على مشروع كان المفروض ف اكتوبر 2009 ولحد النهاردة مش عارفين مصيرة


    ا9-سرعة تكذيب الاخبار من السايت الرسمى ومن المكتب الفنى
    تكذيب الأشاعات والأخبار المغلوطه والمفبركه وتصحيح المواضيع خلال اتجاهين الأول السايت والتانى هو اصدار بيانات من المكتب الفنى وتوزيعها على مصادر الأخبار الغلط


    ا10-نزول سنجلز بشكل دورى من مكتبه الأغانى الخاصه بعمرو دياب على دياب اف ام
    وده هيعمل دعااااايه قويه جداااااا للأذاعه الى جانب اننا هنستمتع بالأغانى دى لأنها اكيد
    "كنوز" وهتصبرنا عن انتظار الألبوم الكامل


    ا11-اصدار البوم كامل كل عام بعيدا عن فكره السنتين والثلاث


    ا12- عمل حلقات استثنائيه من برنامج الحلم
    الفكره هنا ان كل البوم هيكون ليه حلقه من الحلم وفيها هنتكلم عن كواليس الألبوم ده ونجاحاته زى حلقات الحلم القديمه بس فى الألبومات الجديده والحلقات دى هتكون مع كل البوم جديد ان شاء ودى هتكون دعايه قويه جداااا للألبوم

    ا13-وجود ميني البوم لعمرو فى حال تاخر الالبوم سنتين او زيادة عدد اغانى الالبوم
    زى ما حصل سنة 2010 مع
    اصلها بتفرق فى السنة الى منزلش فيها البوم والالبوم نجح بشكل خرافى ، نتمنى انها تكون عادة لعمرو فى حالة تاخير الالبوم لسنتين ، وهي فرصة لسماع الاغانى الى فى المكتبة بقالها سنين والالبوم
    يحتوى على اغنية سريعة واغنية رومانسية واغنية هادية لارضاء كل الازواق دة لو الفكرة اتنفذت



    ا14-دخول اشكال موسيقية جديدة
    فرحة البوم عمرو ديلب بتتضاعف لما بسمع اغنية وانا مش عارف انا بسمع اية الشكل الموسيقى اللى انا بسمعو ! حاجة مسمعتهاش قبل كدة .. عمرو دياب عمل اشكال جديدة من الهاوس ميوزك وكل سنة بنسمعها بشكل جديد ومختلف عن
    السنة اللى فبليها .. ومننكرش ان اللون دة بقى حاجة اساسية ف البوم الهضبة ومنقدرش نستغنى عنو .. بس محتاجين دم جديد ف الالبوم عن الهاوس ميوزك واشكال ناس كتير بتحلم بيها وبتتمنى تسمع صوت عمرو عليها زى الهيب هوب
    او الارن بى .. او غيرها

    Alternative , Rock


    ا15-الاهتمام بالبوسترات والاستعانة بمصورين عالمين لمجاراة التصوير العالمى
    البوسترات .. نقطة فى غاية الاهمية بوسترات الالبوم الاخير بناديك تعالا لاقت هجوم غير طبيعى بس الهجوم المرة دى مختلف مش هجوم علشان شكل البوستر جديد او فية فكرة مختلفة .. هجوم علشان البوستر مش على المستوى ودى حقيقة ! منقدرش ننكرها بوسترات الالبوم الاخير لما تكن على مستوى عمرو دياب ولا على مستوى الالبوم,,نتمنى طفرة فى شكل البوسترات لمجاراة السوق العالمية


    ا
    16-جودة توزيع الالبومات فى الوطن العربى و حل مشكلة النسخ المضروبة

    شركة روتانا هى اكبر شركة فى الوطن العربى تقدر توصل البومهغ لأى مكان فى وقت نزولة وفى ثوانى كلمة قالها عمرو دياب لما اتسال عن مشاكل روتانا وسبب تواجدو معاها . بس لالاسف ياعمرو جمهورك فى المغرب وسوريا وتونس وغيرهم بيشتكى من وصول الالبوم عندهم بعد نزولو هنا با 5 وال 10 ايام وان النسخ المضروبة هى اللى بتسيطر !!! ، اعتقد دة سبب كافى يا عمرو يخلينا نهتم بالنقطة دى



    ا
    17-الاهتمام بالدعايا الخاصة بالالبوم من حيث البروموهات و البانرات وتوفير وقت كافى للدعاية
    عمرو دياب بعنى اسلوب دعايا مبهر ومختلف فى كل البوم بس للأسف افتقدنا روح الدعايا المميزة دى فى شركة روتانا ، كلنا اتصدمنا لما لقينا برومو الالبوم الاخير عبارة عن برومو جاهز ممكن انا اشترية واحط علية اسمى وانزلو عالتلفزيون .. وحصل ونزل نفس البرومو لمطربة تانية ف مكان تانى .. برومو عمرو دياب يعنى حاجة لية لوحدو .. وكمان خطة الدعايا لازم تحمل وقت كفاية على الاقل قبل الالبوم باسبوعين تكون بوسترات الالبوم موجودة ف المحلات والبانرات مالية الشوارع باختصار علشان دة عمرو دياب



    ا
    18-الالتزام بالمواعيد التى يتم تحديدها,,واذا ووجد ظرف لتاجيلة توضح اسبابه
    البومى الجديد ف عيد الاضحى . ورلد قريباً . تحديث الفيديوهات قريباً . لازم تبقى كل الناس عارفة احنا قد اية بنحب الراجل دة وقد اية بنركز معاة وبنستناة بفارغ الصبر وقد اية بناخد المواعيد دى بمحمل الجد . وقد اية بنتنرفز لما بيخلف المواعيد دى وقد اية بنتنرفز اكتر واكتر لما ننادى كتير ونقول اتاجل
    لية ومحدش يرد علينا ! . لابد من توضيح اسباب محددة



    ا
    19-الأهتمام بالأدعيه الدينيه و الأغانى الوطنيه




    افكار وورلد و الميديا
    ......



    ا1-نزول كليب من كل حفلة على قنوات روتانا و القنوات الفضائيه المختلفه مثل الحياه
    كل الناس بتشتكى من قلة تواجد عمرو على التلفزيون وان مش كل جمهور عمرو مستخدم للأنترنت
    اعتقد انها حاجة كويسة جداً لفض كل المشاكل دى نزول كليب لعمرو من الحفلة على
    قنوات روتانا . وعلية لوجو صغير لورلد ودة هيبقى اسلوب دعائى كويس جداً لعمرو دياب ورلد
    الى جانب ان الكل هيعرف يعنى ايه حفلات عمرو دياب الأسطوريه




    ا2-حجم اللوجو على الصور والكليبات
    موضوع اللوجوهات الكبيييييره موضوع بقى قديم اووووووى
    وخلاص انتهى
    عمرى ماشوفت لوجو بالحجم ده على كليب لشاكيرا او اى فنان عالمى على اليوتيوب


    ا3-اذاعة حفلة جماهيري ضخم مرة واحدة كل عام على احدى القنوات الفضائيه
    مش هقول غير ان الأذاعه ليه اكتر من فايده كبيره جداااااااا للفنان اهما الرد على اعداء النجاح اللى بيشككوا فى تواجد عمرو
    ثانيا جذب لجمهور جديد من الجيل الجديد
    وده كافى اننا نذيع حفله ضخمه كل سنه


    ا4-الافراج عن مكتبة الميديا والكواليس وميديا وورلد الضخمة الى منتظرنها من حوالى 3 سنوات
    ميديا عمرو دياب ورلد . افتتاح غريب للسايت التجريبى . نتمنى نشوف جزء من الميديا وتحديثها بشكل مستمر
    واتمنى الغاء فكره النزول بمراحل
    النزول بشكل كامل ..كفايه انتظااااار



    ا
    5- التعاون مع شركة فيفو العالمية لتسويف فيديوهات اليوتيوب
    لما حد اجنبى بيسمع اغانى عمرو دياب بينبهر بيها .. بس محتاجين انتشار اكبر للناس دى شركة فيفو شركة عالمية لتسويق الفيديوهات على اليوتيوب كل نجوم العالم بيتعاونو معاها .. انتشار رائع على اليوتيوب والانترنت اللى هو لغة العصر الان


    ا6-نزول حفلات عمرو دياب التليفزيونيه القديمه كامله على المنتدى الرسمى و على اليوتيوب


    افكار الحفلات
    .......

    ا1-الاغانى التاريخية التى لم تغنى ولا مرة
    مشكلة بيشتكى منها كل محب لعمرو دياب من سنين ! كلنا بنحب قمرين وتمللى معاك والميدلى يا عمرو بس خلاص لازم تغير
    وده الى جانب حرق الاغانى الجديدة فى الحفلات بطريقة الموال من غير مزيكا من غير الحان بيدينا انطباع معين عن الاغانى غير لما بتتحط فى القالب الموسيقى الطبيعى بتاعها مبنقدرش ننسى الحفلة لانها طبعا بتبقى امتع بكتير من السى دى ! فعدم حرق الأغنيه افضل للجميع


    ا2-الاستيدجات و دخلات الحفلات
    عمرو دياب يعنى الابهار كلنا كفانز عمرو دياب من اكتر الحاجات اللى بتشدنا فية هى الابهار ، الابهار فى كل حاجة
    وانتروهات عمرو فى الحفلات لازم تكون بنفس المستوى فأذا كان المنظم ماهعندوش افكار سواء لديزاين او انترو
    يبقى يجب الأستعانه بفريق اجنبى وتكون دى وظيفته الأستيدج والأنترو


    ا3-الاهتمام بعملية تنظيم الحفلات التى يتعامل فيها الجمهور معاملة غير ادمية


    ا4-جودة تصوير الحفلات صوت و صورة
    من اكتر النقط اللى بستغربها ف حفلات عمرو ، لية جودة التصوير سواء ف الصوت او الصورة ونحط تحت الصوت الف خط سيئة الى ابعد الحدود ! . لية جودة صوت وصورة حفلات عمرو ف سنة 2000 افضل من اللى احنا بنشوفها دلوقتى اللى مش مصدقنى يشوف تغطية جامعة المستقبل 2010 او الجامعة الامريكية 2011 او يشوف تصوير بورتو السخة 2011 . حاجة غريبة جداا لازم يتم تفاديها


    ا5-حفلة عامة كل عام فى القاهرة
    معظم الديابيين الى فى القاهرة مبيقدروش يسافرو عشان يحضرو حفلة عمرو فى مارينا او فى بورتو او غيرها ، لية ميتعملش حفلة كل سنة فى القاهرة مثلاً فى الصالة المغطاة او ستاد الهوكى زى حفله كيونت

    ا6-عملية العزف اللايف فى الحفلات,,ودا بيتم باحضار فرقة كبيرة للعزف وعدم استخدام "الماينس" فى الحفلات الى بيفقد روح الحفلة وطعمها


    ا
    7-التنوع فى اماكن الحفلات فى الوطن العربى وخارجة
    في الفترة الاخيرة عمرو مارحش دول كتير وتركيزة بيكون على (دبى-مغرب-الخ) وبقية الدول العربية منسية من حفلات عمرو من سنين واعتقد من حق جمهور عمرو فى الوطن العربى انة يشوفة ، دا غير حفلات الدول الخارجية -غير امريكا- زى دول اوروبا وتركيا الى مطربين اقل من عمرو بكتير بيعملة فيها ، بمعنى ادق
    "الانتشار الى الخارج"ا


    ا
    9-تزويد الحفلات بـ
    wheelchair accessible

    حفلات عمرو دياب للجميع .. بس بصراحة حفلات مارينا او المستقبل بتبقى زحمة بدرجة ان اللى واقف على رجلية مش قادر يستمتع استمتاع كامل .. الناس دى من حقها تشوفك وتستمتع بيك لايف يا عمرو ، ممكن نخصللهم مكان بسيط ليهم علشان يقعدو ويستمتعو ويكونو مرتاحين ارتياح كامل


    ا
    10-الاهتمام بعملية تنظيم الحفلات التى يتعامل فيها الجمهور معاملة غير لائقه
    حفلة عمرو دياب يوم تاريخى فى حياتنا كلنا بنحضرلها من قبلها بشهر ، بنروح كاننا رايحين فرح ، بس الحاجة اللى بتموت فرحتنا دى هى البودى جاردز اللى ماشاء الله بيكونو منورين فى كل حفلة . والناس بتتعامل معاملة غير لائقه بالمرة ، لازم التعامل مع شركات تنظيم اجنبية تحترم الناس اللى جاية تشوف عمرو




    فى النهاية ! . عمرو دياب الاسم اللى فرحنا معاة وبكينا معاة . ونجحنا معاة . وحزننا برضو كان معاة ! . صعب نشوف خلل فى الامبراطورية دى احنا علاقتنا بعمرو اكبر من علاقة فانز بمطرب نجح فشل ميهمهمش احنا علاقتنا بيك ياعمرو علاقة الاب والاخ والصديق والحبيب .. الأمبراطورية بتتراجع ياعمرو وحزننا عليها كبير ! .مع علمنا ان الأمبراطور مازال الأول بدون منافس على الساحه حتى الأن ، ولكننا نامل فى مواكبة التطور وسماع الاراء مثل ما عودنا عمرو دياب

    وكل كلمة وحرف فى الموضوع نابعة من حبنا لعمرو دياب فقط
    كل هذة هى مجرد اقتراحات ، ولكن اقتراحات شريحة كبيرة من جمهور عمرو دياب ، فنحن نامل بمعرفة سبب عدم تنفيذها ؟؟؟؟؟؟؟
    هل الافكار مبتوصلش لعمرو وهنا بينهار دور السايت الرسمى الى فرحنا لما فتح عشان نوصل
    افكارنا لعمرو ، او يكون عمرو غير مهتم بأفكارنا وهنا يصبح وجودنا زى عدمة فى السايت وهذا ما لا نتمناه


  2. #2

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    بتمنى اننا نشوف رد عمرو على كل الكلام دا ولو بفيديو انشالة يكون متصور بكاميرا موبايل!!!,,يقولنا زى ما بيقرا تويتات التويتر انة بيقرا توبيكات الموقع وعرف احنا فعلا نفسنا فى اية وعايزين اية مش مهم ان الحاجات دى كلها تتنفز,,انا نفسى نحس ان وجودنا ليه اهمية عشان نقدر نتفاعل فى السايت,,لكن كدة محدش فينا لاقى اى دافع لوجودة فى الموقع الرسمى للاسف
    Not allowed picture

  3. #3

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    تسلموا جميعاً علي التوبيك المنظم والمحترم ، ومش هاقول غير يارب الكلام دا يتنفذ بقا عشان كدة بجد حرام الفانز اللي علي السايت واللي بيعملوا مجهود جبار عشان خاطر عمرو ومش لاقيين تقدير ولا حد بيوصل اراءهم، وياريت يكون اخر توبيك للكلام دا ولعلي وعسي يتنفذ. مرة تانية شكراً لكم

  4. #4

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    ياريـت نحس بأى تغييـر عشان نحس ان كلامـنا بيـوصل
    وان فـى امل ان افكـارنا واقتراحتنا ممكن عـمرو ينـفذ مـنها حـاجه
    ويـاريت منسـمعش رد اتـعودنا عليه ، مبيـحصلتش منه الا القليـل


    A8eeB Wa2ooL Dh Zmano NSeeNY


  5. #5

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    انا بضم صوتى ليكم
    و فعلا يا ريت حتى الادارة ترد علينا و تقول انها وصلت الكلام ده لعمرو دياب شخصيا عشان مش عارف ليه بحس ان مفيش حاجة بتوصل

  6. #6

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    افكار رائعه بجد وباين فعلا انها نابعه من ناس بتحب عمرو بجد
    وانا بضم صوتى ليهم ويارب صوتنا يوصل لعمرو
    :d وخلال دقيقه لينك التوبيك هيبقى عند عمرو على تويتر طالما بيقراء التويتات
    أنا معاك بـرتاح . والكلمة دي قليلة . وصلتنى لمرحلة . روحى مطمنة


  7. #7

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    نفسى بجد اشوف موضوع بعنوان " رد عمرو دياب على رسالة جمهورة له "ء بجد هتفرق اوى معانا و اتمنى انى مشوفش رد تقليدى من الادارة و الموضوع يخلص زى كل مرة

  8. #8

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    توبيك جامد جدا جدا ياعمر وانا معاك في كل كلمه فيه

  9. #9

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    الموضوع دا محتاج يتاخد بجد .. وكل اللى ذكرناه فى التوبيك دا يعتبر فى الامكان .. واحنا مش بنطالب بتحقيق كل المطالب دى .. لأ احنا طمعانين فى ربعها بس
    عايزين نوصل لمرحلة أكبر من التفاعل بين الفنان عمرو دياب وبين جمهوره




  10. #10

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    The role of the site to communicate with Amr Diab is not activated, we cried alot and no thing changed

  11. #11

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    ان شاء الله نشوف رد عمرو دياب
    لانه لازم يرد
    صوتى وراى وراى اى حد يبقى فى حب عمرو دياب
    هقولك ايه هقول الله يا ريم عيونك سحرها والله حاجة تانية :$ <3

  12. #12

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    كلام محترم وياريت نلاقي حد يرد علينا أضم صوتي لصوتكم أكيد


    بس إنتــ تغني وإحــنا معاكــ .. جمهوركــ اللى بيحبكـ يا عمرو

  13. #13

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    باذن الله التعب ده مش هيروح ع الفاضى وان شاء الله نشوف ثماره قريب
    ..



  14. #14

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    الله عليكوا يا شباب , توبيك للتاريخ - اتمنى التوبيك يكون لى مفعول سريع

  15. #15

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    بالاضافة الى كل ذلك لازم عمرو يصالحنا بكليب تاني لان الاخير مش عاجب ناس كتير ...الكليب ناقصه فكرة بس

  16. #16

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    تحياتى لأصحاب التوبيك المميزين
    وده من احلى التوبيكات اللى اتعملت فى السايت
    يــــــارب الكلام ده يوصل لعمرو لأنه هو الخلاصه من الفانز كله
    ونفسنا فى تفاعل عمرو مع الفانز فى السايت



    انـــا اكــــــــــــتر واحــــد بيــــحبك

  17. #17

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    بجد توبيك روعه وانا معاك فى اكتريه النقاااط ..واولهم كليب دراما وياريت عمرو يستجيب لينا
    <img src=images/smilies/wub.gif border=0 alt= title=Wub class=inlineimg />

  18. #18

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب


    ده سكرين شوت من التوبيك
    نتنمى يوصل لعمرو
    ونتأكد انه وصل
    !!


  19. #19

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    مشكوووووووووووووووووور جدا على التوبيك الرائع اللي لخص اغلب الحاجات باسلوب واضح وممتاز
    اتمنى عمرو بنفسه يرد علينا مش حد من الادارة يطلع يقلنا الكلمتين بتوع كل مرة مع احترامي ليهم طبعاً
    عــــــــــــــــــــــمـــــــــــــــــــــــرو ديــــــــــــــــــــــــاب

    the Godfather of Mediterranean Music


  20. #20

    Default Re: هذة نظرتنا التى اعتدت ان تحترمها ... رسالة الديابيين الى عمرو دياب

    فكرة :عشان تضمنوا ان عمرو هيقرا التوبيك دا لازم كلكوا تبعتوا اللينك بتاعه علي اخر حاجة كاتبها عمرو علي تويتر .بما ان تويتر اخد الاهتمام
    Last edited by ahmed salem 2; 01-18-2012 at 01:08 AM.

Page 1 of 20 123 ... LastLast

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •