بعد خروج الشيخ الجليل حازم صلاح رسمياً من سباق الرئاسه

**3esh.el.mazika** · 04-04-2012, 06:42 PM

نائبة الإخوان المسلمين، السيدة عزة الجرف (ام أيمن) تقول بخروج الشيخ حازم صلاح أبو إسماعيل رسمياً من السباق الرئاسي!

طبعاً دى مش دعوى منى لخيرت الشاطر

بس ده تأكيد تانى على ان حازم باى باى
ده لو اعتبرنا ان نواب الاخوان مبيكدبوش بس يعنى هى جات عليهم هما

**Ahmed.Mahmoud** · 04-04-2012, 06:45 PM

ميحكمشي برضو

**The Viper R.K.O** · 04-04-2012, 06:47 PM

ماشي يا حجه تحت امرك

**a_glal** · 04-04-2012, 07:48 PM

هو بيقول انه هيعمل الجمعه اللى جايه جمعة لا للتزوير
طيب ما من باب اولى يعملى جمعة تطهير اللسان
وعدم العبث بالكلام قبل التاكد من صحته
وانا اتقى ربنا فى كل كلمه تطلع منى

لانى بوجه ناس بتحبنى
..

المشكله ان مؤيديه عارفين ان ثقافته تقريبا قريبه من الصفر
وكمان انه لا يصلح للفتره القادمه بس بيدافعو عنه
مش علشانه هو لا
علشان بند العمل بالشريعه والدين
ولو البندده اتشال ابقى قابلنى لو اللى حواليه دول فضلو معاه

**Martyrs** · 04-04-2012, 08:09 PM

عزه الجرف دى اللى انا مش بطيقها اصلا

لسه نافيه ان يكون ليها حساب على تويتر

والكلام ده مش على لسانها

**The PuN!ShEr** · 04-04-2012, 08:15 PM

يا جدعان بجد بطلوا احلام وردية

إن الله لا يخذل من يريد إعلاء رايته

حازمون صادمون ... و الحمد لله الحملة روحها المعنوية بقت في السما النهاردة والجمعة القادمة ستفاجئ الجميع

**DECO201023** · 04-04-2012, 08:16 PM

ايه ده وبوستراته هنوديها فين بقى ان شاء الله.... والله البلد دى كلها بتهرج وبيلعبوا بأم الشعب الغلبان ده
رحماك ربى

من الناس اللى مش عايزه غير مصلحتها وبس

نفسى ربنا يرزقنا بواحد زى ده

**Martyrs** · 04-04-2012, 08:33 PM

Originally Posted by The PuN!ShEr

يا جدعان بجد بطلوا احلام وردية

إن الله لا يخذل من يريد إعلاء رايته

حازمون صادمون ... و الحمد لله الحملة روحها المعنوية بقت في السما النهاردة والجمعة القادمة ستفاجئ الجميع

يعنى ايه الجمعه القادمه

يعنى مش بتحترموا القانون ؟

عاوزنها تبقى بالمظاهرات والثورة

لا الثورة فشلت يا حبايب كل واحد يلزم حدوده ويلزم القانون ويلزم الديمقراطيه

انتم من صوتوا بنعم فى الاستفتاء الدستورى

والاستفتاء الان يمنعكم من عمل اى شىء او طعن

فموتوا يغيظكم يا من شاركتم فى قتل الثورة

**The PuN!ShEr** · 04-04-2012, 08:41 PM

Originally Posted by negmelil

يعنى ايه الجمعه القادمه

يعنى مش بتحترموا القانون ؟

عاوزنها تبقى بالمظاهرات والثورة

لا الثورة فشلت يا حبايب كل واحد يلزم حدوده ويلزم القانون ويلزم الديمقراطيه

انتم من صوتوا بنعم فى الاستفتاء الدستورى

والاستفتاء الان يمنعكم من عمل اى شىء او طعن

فموتوا يغيظكم يا من شاركتم فى قتل الثورة

لالالالالالالالالا

إحنا ما بنحترمش القانون يا حبي

و هي بالمظاهرات

و نحن لا نلزم سوى حدود الاسلام

و نحن من صوت بنعم

و إنما يموت غيظا من يرى شرع الله ينتصر

و السلام ختام

**Martyrs** · 04-04-2012, 08:45 PM

Originally Posted by The PuN!ShEr

لالالالالالالالالا

إحنا ما بنحترمش القانون يا حبي

و هي بالمظاهرات

و نحن لا نلزم سوى حدود الاسلام

و نحن من صوت بنعم

و إنما يموت غيظا من يرى شرع الله ينتصر

و السلام ختام

اولا الكلام اللى انت بتقوله ده بيوضح انك افلست فى الرد ومش عارف ترد

كلام غير متوازن وبتكتب اى حاجة وخلاص

وبعدين شرع الله مفهوش الكذب وفى الاخر نقول شريعه الله تنتصر

امامنا الان واحد كذاب

فين شريعه الله الان بقى

حرام عليكم فوقوا

والله العظيم ضيعتوا البلد باكلمها وضيعتوا الثورة وبسببكم سنحكم عقد من الزمن فى حكم فاسد

منكم لله

**The PuN!ShEr** · 04-04-2012, 08:50 PM

Originally Posted by negmelil

اولا الكلام اللى انت بتقوله ده بيوضح انك افلست فى الرد ومش عارف ترد

كلام غير متوازن وبتكتب اى حاجة وخلاص

وبعدين شرع الله مفهوش الكذب وفى الاخر نقول شريعه الله تنتصر

امامنا الان واحد كذاب

فين شريعه الله الان بقى

حرام عليكم فوقوا

والله العظيم ضيعتوا البلد باكلمها وضيعتوا الثورة وبسببكم سنحكم عقد من الزمن فى حكم فاسد

منكم لله

و انت ياعم القاضي عرفت منين انه كداب

ده انت كاتب الخبر بتاع انه الرئاسية نفت الخبر ده بنفسك

و ربنا باحس انك شخصين مش شخص واحد و بتنسى انت بتكتب ايه

و اخيرا

الحمد لله انا لا افلس .. وإنما أرد على كل كلمة بقدرها

فهناك كلمات تجبرك احتراما لها أن تكتب كثيرا

و هناك كلمات لا تستحق سوى رد مقتضب

**3esh.el.mazika** · 04-04-2012, 08:54 PM

أستاذ
The PuN!ShEr
معلش هو انا مش عايز ادخل فى الحوار اللى بينكم بس ممكن اسئلك سؤال شخصى
هو انت بتدرس ايه او خريج ايه ؟ ده بعيد كل البعد عن النقاش اللى فى الموضوع

**مصطفى دياب** · 04-04-2012, 08:55 PM

Originally Posted by negmelil

يعنى ايه الجمعه القادمه

يعنى مش بتحترموا القانون ؟

عاوزنها تبقى بالمظاهرات والثورة

لا الثورة فشلت يا حبايب كل واحد يلزم حدوده ويلزم القانون ويلزم الديمقراطيه

انتم من صوتوا بنعم فى الاستفتاء الدستورى

والاستفتاء الان يمنعكم من عمل اى شىء او طعن

فموتوا يغيظكم يا من شاركتم فى قتل الثورة

معلش يعنى يا وليد
مين قتل الثورة
الثورة دى بتاعت الناس اللى اتعذبت والى اتهانت
بتاعت كل شهيد اسلامى اتقتل فى اقسام الشرطة وامن الدولة
كل الى انت بتقول عليهم باعوا الثورة دول كانوا فى معتقلات وسجون حربية
كل الفصائل شاركت فى الثورة من اخوان وسلف وناس ملهاش فى السياسة ومسيحيين وحقوقيين
انما تعالى ندور مين أكتر واحد حريص على القضاء على الفلول هما اكتر ناس اتعذبوا منهم
ثم هل كانت الثورة بشكل قانونى
هل فى ظل وجود قانون الطوارئ ينفع يبقى فى احتجاجات ولا مظاهرات؟؟
ومع ذلك كلنا كسرنا القانون ونزلنا
لأننا كنا مظلومين
ولو اتباع أبو اسماعيل شافوا انهم على حق مفيش مانع أنهم يكسروا القانون براحتهم

**The PuN!ShEr** · 04-04-2012, 08:58 PM

Originally Posted by 3esh.el.mazika

أستاذ
The PuN!ShEr
معلش هو انا مش عايز ادخل فى الحوار اللى بينكم بس ممكن اسئلك سؤال شخصى
هو انت بتدرس ايه او خريج ايه ؟ ده بعيد كل البعد عن النقاش اللى فى الموضوع

طالب بالفرقة الرابعة كلية تجارة جامعة القاهرة

الاجابة على أد السؤال اللي انا مش فاهم الغرض منه

**The PuN!ShEr** · 04-04-2012, 08:59 PM

Originally Posted by The PuN!ShEr

و انت ياعم القاضي عرفت منين انه كداب

ده انت كاتب الخبر بتاع انه الرئاسية نفت الخبر ده بنفسك

و ربنا باحس انك شخصين مش شخص واحد و بتنسى انت بتكتب ايه

و اخيرا

الحمد لله انا لا افلس .. وإنما أرد على كل كلمة بقدرها

فهناك كلمات تجبرك احتراما لها أن تكتب كثيرا

و هناك كلمات لا تستحق سوى رد مقتضب

باعتذر عن جزء في الرد ده أن مش انت اللى كنت جايب خبر نفي الرئاسية للخبر

**The Viper R.K.O** · 04-04-2012, 09:10 PM

Originally Posted by The PuN!ShEr

طالب بالفرقة الرابعة كلية تجارة جامعة القاهرة

الاجابة على أد السؤال اللي انا مش فاهم الغرض منه

وهيفيد بإيه هو بيدرس ايه ؟

ولا عشان لو قالك في جامعة الازهر يبقى اخواني

وعجبي

انا اقتبست غلط انا قصدي عليه هو

**Martyrs** · 04-04-2012, 11:58 PM

Originally Posted by The PuN!ShEr

و انت ياعم القاضي عرفت منين انه كداب

ده انت كاتب الخبر بتاع انه الرئاسية نفت الخبر ده بنفسك

و ربنا باحس انك شخصين مش شخص واحد و بتنسى انت بتكتب ايه

و اخيرا

الحمد لله انا لا افلس .. وإنما أرد على كل كلمة بقدرها

فهناك كلمات تجبرك احتراما لها أن تكتب كثيرا

و هناك كلمات لا تستحق سوى رد مقتضب

وانت ياعم الشيخ انا بردو وبجيب الاخبار حسب ما بسمعها

يعنى لما لاقيت نفسى جبت الفيديو

وبعدين حازم ابو اسماعيل كداب فى اصل وشه كمان

لما سألته لميس الحديدى اى حد من اسرتك معاه الجنسيه قالها اطلاقا

ومن يومين اكتشفنا اكيد ان اخته معاها الجنسيه الامريكيه

يعنى انا مش بتبلى على حد

وكل يوم نتصدم صدمه فى اللى بيسموا نفسهم اسلاميين

طلعوا البرادعى عميل فى البرلمان ومصطفى بكرى بطل

البلكيمى رايح يعمل عمليه تجميل قالك انا انضربت

حازم ابو اسماعيل نفى ان يكون احد من اسرته معاه الجنسيه وطلع كذاب

ولما الجرايد بتاعت بكرة قالت حازم ابو اسماعيل والدته معاها الجنسيه الامريكيه وكلكم شوفتوا

روحتوا على طول قولتوا هننزل يوم الجمعه مظاهرات وخروج عن الشرعيه اللى انتوا اول ناس حسيتوا الناس انها تنزل وتقول نعم

مين بقى اللى بشخصين وبوشين

انا اللى بدافع عن مبدأى ان قولت لا ولا انتوا اللى عاوزين تكسروا الشرعيه وتصويت الشعب لمجرد ان مرشحك والدته طلعت امريكيه او اشاعه بتقول كده دا انتوا حتى ما استنتوش لما يتأكد الخبر

ارحمونا يرحكم الله