Results 1 to 10 of 10
  1. #1

    Exclamation Red Icon حياتنا محتاجة وقفة بجد! ثورة على النفس

    بسم الله الرحمن الرحيم
    ______________________
    السلام عليكم
    ______________
    تحية طيبة و بعد

    لافت نظرى موضوع مهم جدا و للأسف احنا مفتقدينه بشده و بيتهيألى انه من قواعد الحياة الراسخة ما ينفعش ننساها وسط الزحمة مهما كانت الظروف

    !
    بسم الله الرحمن الرحيم
    ن أكرمكم عند الله أتقاكم
    صدق الله العظيم

    قال رسول الله صلى الله عليه و سلم :ا
    نما بعثت لأتمم مكارم الأخلاق
    :
    اذا لم تستح فاصنع ما شئت:
    صدق رسول الله صلى الله عليه و سلم

    انما الأمم الأخلاق ما بقيت ::::فان هم ذهبت أخلاقهم ذهبوا


    الأخلاق

    تشمل
    الحياء _تشمل الرحمة _تشمل مراعاة شعور الأخرين _تشمل الصدق _ تشمل العدل_تشمل البشاشة _تشمل الكلمة الطيبة_تشمل الأمر بالمعروف و النهى عن المنكر _تشمل مراعاة حدود الله _ تشمل الضمير و مراقبة النفس و محاسبتها_ تشمل احترام الأخرين و احترام أرائهم_تشمل المساعدة و المساعدة و المعاونة_تشمل الشهامة _تشمل التسامح_ تشمل احترام الكبير و العطف على الصغير

    الموضوع أكبر من كدة بكتير و أعم لكن كل قيمة من القيم دى عايزة مليون خط تحتها

    هل اختفت القيم دى من الشارع
    !!
    هل اختفت حتى ما بين الناس و بعضها
    بين الأسرة
    بين الجيران
    بين الطالب و أستاذه
    بين الأصدقاء
    بين العامة
    بين القائد و جنوده

    فييييين راحت
    !
    للأسف فى ناس كتير بعدت عن دينها و نسيت انها مسلمة أو ان الاسلام دى كلمة فى البطاقة

    الاسلام:
    عقيدة تهيمن على أفعال الانسان و تصرفاته فى شتى مجالات الحياة
    يعنى الاساس اننا مسلمين فنتعامل من المنوال ده
    أو حتى الأقباط فالانجل دعا لنفس القيم و المبادئ

    فى الأسرة:
    حاليا الابن ممكن يعوق والديه عادى
    !
    و ممكن الأب أو الأم ما تكونش رحيمة بأولادها
    !
    الناتج تفكك الأسرة و فشلها بدون أدنى شك

    فى الشارع

    أول حاجة طبعا عدم التزام حقوق الطريق
    قال رسول الله صلى الله عليه و سلم
    غض البصر و كف الاذى و رد السلام و الأمر بالمعروف و النهى عن المنكر:ا:

    غض البصر غض البصر غض البصر

    القيمة دى بقت نادرة جدا و تكاد تكون معدومة
    و على فكرة مش الولاد بس لأ غض البصر يشمل البنات كمان

    لما القيمة دى اختفت الموبقات كلها انتشرت و فى ناس بتستهين بيها لكن بجد هى مهمة
    و على فكرة حابة أوضح حاجة
    ان من أنواع الزنا زنا البصر
    النظر سهم من سهام ابليس للوقوع فى المحرمات
    !
    كف الاذى
    زمان المدرسة بتاعتى قالتلنا كمثال بسيط
    افرضوا لاقيتو قشرة موز و سيبتوها و مشيتوا
    و والدتكو كانت ورا و اتزحلقت عليها
    !
    بالتعميم ورق الأكل أو العلبة أو الكيس اللى هترميه ده أذى و عليه سيئات

    أيوة لأنه يعتبر نوع من التلوث البصرى
    مش عيب تخلي مخلفاتك معاك لحد ما ترميها فى مكانها المخصص و بكدة تحافظ على دينك و وطنك و انسانيتك
    و لو انت لاقيت حاجة زى كدة مش عيب تشيلها بالعكس تبقى انسان راقى متحضر

    رد السلام
    قال رسول الله صلى الله عليه و سلم
    :ألا أدلكم على شئ شئ اذا فعلتموه تحاببتم؟ أفشوا السلام بينكم :ا
    صدق رسول الله صلى الله عليه و سلم

    لو انت داخل على قوم انت خايف منهم
    و قولت السلام علكم لو هم كانوا خايفين منك تبقى طمنتهم
    و بمجرد ما يردوا السلام عليك يبقى طمنوك
    عشان كدة كان السلام من مبادئ ديننا الحنيف

    الأمر بالمعروف و النهى عن المنكر

    ساعات تمشى فى الشارع تلاقى منظر يخالف كل شرع و مبدأ

    قال رسول الله صلى الله عليه و سلم
    :من رأى منكم منكرا فليغيره بيده فان لم يستطع فبلسانه فان لم يستطع فبقلبه و ذلك أضعف الايمان:ا
    بمعنى
    لو انت ليك سلطة عليه فتغير المنكر بايدك
    و لو مالكش سلطة فبلسانك بطريقة لطيفة لا تقلل من قدره بل بوجه بشوش و كلام لين
    و فى ذلك أسوة بالقرأن كلام موجه للرسول صلى الله عليه و سلم:لو كنت فظا غليظ القلب لانفضوا من حولك:ا
    بمعنى لو كان رسول الله صلى الله عليه و سلم غليظ القلب لانفض الناس من حوله و ما قبلوا دعوته الحق و هى الاسلام
    بل سمعنا عن أخلاق الرسول و نبل صفاته
    ألا يكون لنا أسوة

    سبب الموضوع
    النهاردة فى رجل مسك طفل ضربه ضرب قاسى جدا بالقلم علم على و شه و بالحزام عشان الطفل ده ضرب ابنه و اللى يوجع القلب ان الطفل اللى ضربه الرجل قعد يعيط و يقول ودنى مش سامع بيها كويس
    حسبي الله و نعم الوكيل

    فين الرحمة و الشهامة و الانسانية فين الأخلاق
    !

    و فى أعضاء بتتهكم على أعضاء تانية و تنعتهم بصفات تجرح شعورهم و كأن اللى بيكلموهم مش بشر
    بيحسوا و يقولوا انت عبيط و انت مش عارف ايه و أخر وقاحه

    من الأخر
    كلنا محتاجين نراجع نفسنا
    حياتنا محتاجة وقفة
    مش كدة بس لازم نعلم اللى حوالينا
    لاااااااااازم
    و الا المجتمع فعلا هينهار

    تحياتى






    Last edited by Zizo; 06-05-2012 at 06:52 PM.

  2. #2

    Default Re: حياتنا محتاجة وقفة بجد! ثورة على النفس

    تسلم أيدك على الكلآم ده بجد



  3. #3

    Default Re: حياتنا محتاجة وقفة بجد! ثورة على النفس

    جزاكِ الله خير عالموضع ده

    ولازم الواحد تكون الاخلاق مبدأه قبل اي شيء



  4. #4

    Default Re: حياتنا محتاجة وقفة بجد! ثورة على النفس


    اللهم انى استغفرك من كل حرف كتبته هنا ولم يرضيك ..
    اللهم انى استغفرك مما أعلم ومما لا أعلم ومما انت به أعلم


  5. #5

    Default Re: حياتنا محتاجة وقفة بجد! ثورة على النفس


    توبيك رائع بس الاخلاق مش منيبة ولا حاجة لا هي اتعملها دليت عند كتير من الناس



    Tamally waheshny low hata bkoon waiak, Tamally Maak !
    Most beautiful times here, Thanks AmrDiab.Net !

  6. #6

    Default Re: حياتنا محتاجة وقفة بجد! ثورة على النفس

    الله ينور تسلم ايديكي ع التوبيك المحترم ده : )


  7. #7

    Default Re: حياتنا محتاجة وقفة بجد! ثورة على النفس



    جزاكي الله كل خير يا ريري

  8. #8

    Default Re: حياتنا محتاجة وقفة بجد! ثورة على النفس

    و جزاكم الله خيرا


    شكرا لمروركم العطر

  9. #9

    Default Re: حياتنا محتاجة وقفة بجد! ثورة على النفس

    كلام عين العقل وجميل.. بس هتقولي وتعيدي لمين؟
    ههههههه

    إن الله لا يغير ما بقوم حتى يغيروا ما بأنفسهم

    شكرا ليكي



    *


  10. #10

    Default Re: حياتنا محتاجة وقفة بجد! ثورة على النفس

    يارب نراجع نفسنا

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •