موضوع مهم جدا بخصوص تيكت حفلة الهضبة فى استاد الهوكى

[Medo-Diab]

دى يا جماعة تيكت حفلة عمرو دياب اللى هتتعمل ان شاء الله فى استاد الهوكى يوم الخميس اللى جاى 23 - 8 - 2012 و التيكت دى انا جيبتها من فرع شركة راية اللى فى الدقى .. و اى حد ان شاء الله هيجيب او عايز يجيب فـ لازم يعرف الكلام ده كويس




1- التكيت مش بتبقى جاهزة

2 - التيكت لما بتروح تشتريها بيطلبو منك الاول اسمك و رقم موبايلك

3 - و بعد كده بيطبعوهالكـ و انت واقف و بعدها بتوصلكـ رسالة على موبايلكـ بيأكدو عليك ان انت استلمت التيكت و كمان بيبعتولكـ رقم سرى عشان تتأكد ان التيكت مش مزور

4 - التيكت على فكره لونها اصفر زاى ما هى قدامكو و كمان من غير ظرف

5 - التيكت فى منها بـ 100 و فى بـ 150 جنية - بس للاسف هما فى الفروع مش بيعرفو الفرق بس على ما اعتقد كده ان الـ 150 دى اللى قدام الاستيدج و الـ 100 دى اللى فوق فى المدرجات بتاعت الاستاد

على العموم انا حبيت اوضح الكلام ده لكل الناس اللى هتشترى التيكت عشان يخدو بالهم و محدش يضحك عليهم و يقولهم التيكت جاهزة و الشغل ده و على فكرة انا جيبت التيكت ام 100 جنية .. عشان انا مش حابب اعمل مجهود فى الحفلة دى .. شكرا

[Ahmed.Mahmoud]

مجهود جميل يا ميدو شكرا ليك

[eslam emad]

شكرا ليك ياميدو على التوضيح

[mostafa diaby]

صح فعلا كل كلامك صح واول ما بتطبع لبجبلك رسالة على الموبايل وبياخدوا اسمك ثلاثى انا اشترتها من راية اللى فى المعادى ونفس الكلام دا حصل
شكرا ليك

[AmR SaYeD]

شغل جامد اوى شكرا ميدو

[eyad]

مبروك عليك التيكت يا ميدو وبما انك مش هتتعب فى الحفله مستنى بوستات منك بقى عشان مسافر ومش هعرف احضر وعايز تغطيه حلوه ولو عرفت تصور تبقى جامد :d
حفله حلوه ان شاء الله يا صديقى

[Mr.Ta7]

طب ممكن اعرف يامعلم فين بظبط استاد الهوكى ده