Page 1 of 2 12 LastLast
Results 1 to 20 of 29
  1. #1

    Default كلمة عن أغنية حبايب إيه

    أغنية حبايب إيه من أقوى أغاني الروك إلي اسمعتها في حياتي. جمعت لوحدها عدة تشكيلات للروك مابين باور بالاد و سوفت روك و أكوستيك روك
    (00:15-00)
    الأنترو بيدخلك لجو الأغنية الحزين والمليان قهر. ديو رهيب بين غيثار فولك مصطفى أصلان وإلكتريك غيثار أحمد حسين. أنترو في قوته بيذكرنا برائعة "ستيرواي تو هيفن" ل ليد زيبلين

    (00:16-00:49)
    يبتدي الكوبليه الأول بمرارة وألم في نبرة صوت عمرو فوق خط الفولك غيثار مع لمسات متقطعة للإلكتريك غيثار إلي كإنه بيسطر تحت أهم الجمل في الكوبليه (بنرتاح واحنا في بعادنا

    (00:50-1:24)
    - الريفرن بينطلق بقوة مع دخول درامز. والتغيير المفاجئ ده، من أهم خصائص أي بالاد. ويعود أحمد حسين لما عمرو يقول "نكمل والحياة تمشي" (دايما كإنه يسطر على أهم الكلمات). بعدها ينطلق الدرامز أقوى مع دخول الكورال لإعادة الريفرن. ودايما فولك غيثار في الخلفية

    (1:25-1:57)
    في الكوبليه الثاني الدرامز يكمل مع غيثار أصلان. المرة دي بيدخل البيانو ويرافق جملة "بنمشي الإيد في حضن الإيد". بالنسبة لأحمد حسين فال ريفز بتاعه تميل هنا للبلوز روك . لما عمرو يعيد الكوبليه تحس إنه شغل الهيت هات بدأ أوضح وهيستمر بعد
    كده
    (1:57-2:31)
    الريفرن المرة دي حضور أحمد حسين أقوى

    (2:32-3:05)
    ـ في الكوبليه الثالث المرارة والحزن يوصل لذروته. ركزوا لما يعيد الكوبليه إزاي يقول : قالولنا. مرة ثانية البيانو يفتتح الكوبليه وعزف أحمد حسين بلوز روك (الحتة دي مثلا 3:00

    (3:05-3:20)
    تكلمت عن ذروة الألم إلي وصلها صوت عمرو، الذروة دي خسارة يتبعها الريفرن. كان لازم يعبر عن حزنه بحاجة ثانية (تذكروا "ببكي من غير صوت"). فجاء الصولو كصرخة ألم. برافو أحمد

    (3:20-3:54)
    الكوبليه ده حدوتة بقى. نودع الدرامز نهائي، ونترك أحمد يستريح شوية بعد الصولو الرائع، ويواصل مصطفى بس مع مطلع الكوبليه (العودة للهدوء دي من خصائص البالاد كمان). هنا الألم والقهر أقوى لأن العاشق وصل لنفق مسدود لا عارف يكمل أو يرجع لوراء. تكرار "دي غلطة أكيد مانقصدهاش" بعد فواصل الإلكتريك غيثار تثبت حيرة العاشق وازاي بيكرر الفكرة زي المجنون! بس في نفس الوقت بيصبر نفسه

    (3:54-4:12)
    القفلة حكاية لوحدها. وفكرته هزتني جدا. العاشق يرجع لحبيبته عشان يواصل عذابه. خطواته وهو راجع أشبه بواحد ماشي لموته. عمرو عبر عن ده بإيه؟ بصولو البيانو،
    يفكرنا بالفينيرال مارش الشهيرة لشوبان. موسيقى بتتعمل في الموكب الجنائزي


    - power ballad - soft rock - acoustic rock - blues rock
    - Stairway to Heaven - Led Zeppelin
    - refrain - couplet

    - riffs - drums - electric guitar - folk guitar - hit-hat - piano - solo - intro - duo
    - Funeral march - Frédéric Chopin


    Last edited by Abdellah Azar; 08-18-2017 at 12:59 AM.

  2. #2

    Default Re: كلمة عن أغنية حبايب إيه

    توبيك رائع .. شابوه بجد

  3. #3

    Default Re: كلمة عن أغنية حبايب إيه

    من احلى ماغنى الهضبة

  4. #4

    Default Re: كلمة عن أغنية حبايب إيه

    الاغنية دي فعلا من اقوى ماغنى عمرو...صوت عمرو زي السحر وهوا دايب مع الجيتار في جملة بنلقى راحتنا ويا الغرب ومش ويا حبايبنا ...... الي المقدمة ده غير موضوع الاغنية الجديد تمامآ

    ----------------------------------
    في دنيا حبك الحلوة
    تناديني وتهمس همس
    ونكتب للفرح غنوه
    ونغزلها بخيوط الشمس

  5. #5

    Default Re: كلمة عن أغنية حبايب إيه

    كلمه حبايبنا بتتقال بإحساس ولحتها خرافي بالتوازي للجمله اللحنيه في باقي الكوبليهات
    عاشق الهضبة دياب



  6. #6

    Default Re: كلمة عن أغنية حبايب إيه

    Right bro!

    Matches with the 3rd movement of the March (B flat minor)

  7. #7

    Default Re: كلمة عن أغنية حبايب إيه

    بحب الاغاني اللي توزيعها عامل كإنه لايف

    بصراحة تقييمي للأغنية في البداية ظالم ومع الوقت بحبها اكثر
    ملاحظتي الوحيدة انه ملوش داعي يغني فيها كورال كانت هتبقى احلى


  8. #8

    Default Re: كلمة عن أغنية حبايب إيه

    توبيك جميل جدا ياريت باقي الاغاني ايضا

  9. #9

    Default Re: كلمة عن أغنية حبايب إيه

    انا حاسس انها اغنيه اجنبيه
    اللحن والتوزيع عالميين
    Anathema
    الموسيقي بتخدك لعالم تاني

  10. #10

    Default Re: كلمة عن أغنية حبايب إيه

    تسلم يا عبد الله..
    انت فعلا بتحسسنا بجمال الاغاني جدا..
    الاغنية دي انا شايف انها لحد الآن مظلومة بسبب اول كل حاجة يمكن بعدين هتاخذ حقها الطبيعي..
    اغنية عالمية..


    يا ساحر عينيك.. قمر طالع طالل علينا



  11. #11

    Default Re: كلمة عن أغنية حبايب إيه

    اغنية حتعيش لانها قصة و بتمثل الواقع و من افضل اغاني الالبوم اغنية من اجمل اغاني عمرو دياب

  12. #12

    Default Re: كلمة عن أغنية حبايب إيه

    مش عارف حاسس ان تامر حسين ما وصليش الاحساس بحرفيه
    حسيت الكلمات مباشرة بشكل فقد معاني البديع الشعري
    مجرد كلام عادي مفيهوش اي اوجه شعريه لا تشبيه ولا مجاز ولا كناية
    كلام مباشر بسيط يصل الى حد السطحية احيانا
    ده شعوري نحو الغنوة

  13. #13

    Default Re: كلمة عن أغنية حبايب إيه

    الاغنية دى متكلة اتكال رهيب على صوت واحساس عمرو دياب
    انما الاغنية نفسها اه حلوة وجميلة لكنها مش اقوي ولا من اقوي اغانى الدراما لعمرو .. عمرو عنده وعمل اقوي من كده بكتير
    تامر حسين شاعر صعب جدا يمتعك كمستمع .. والفرق واضح جدا جدا بين حبايب ايه و انت اول كل حاجة على مستوي الكلام
    كذلك الفرق واضح جدا ما بين قمر ايه وجنب حبيبي في الكلمات برده
    احـلـي_و_احـلـي#



  14. #14

    Default Re: كلمة عن أغنية حبايب إيه

    بحس اسامة الهندي ابدع فيها
    التوزيع حلو من بدايته لنهايته
    مع اني كل ما بسمع بداية الأغنية بفتكر بيت الاشباح لكن لايق عليه بصراحة ههه

  15. #15

    Default Re: كلمة عن أغنية حبايب إيه

    Quote Originally Posted by EL LILA View Post
    تسلم يا عبد الله..
    انت فعلا بتحسسنا بجمال الاغاني جدا..
    الاغنية دي انا شايف انها لحد الآن مظلومة بسبب اول كل حاجة يمكن بعدين هتاخذ حقها الطبيعي..
    اغنية عالمية..
    فعلا كانت مظلومة في الاول بس دلوقتي تلاحظ مشاهداتها زادت
    انا محبتهاش في الاول بس دلوقتي فعلا اغنية رهيبة

  16. #16

    Default Re: كلمة عن أغنية حبايب إيه

    Quote Originally Posted by Andrew_Wayah View Post
    الاغنية دى متكلة اتكال رهيب على صوت واحساس عمرو دياب
    انما الاغنية نفسها اه حلوة وجميلة لكنها مش اقوي ولا من اقوي اغانى الدراما لعمرو .. عمرو عنده وعمل اقوي من كده بكتير
    تامر حسين شاعر صعب جدا يمتعك كمستمع .. والفرق واضح جدا جدا بين حبايب ايه و انت اول كل حاجة على مستوي الكلام
    كذلك الفرق واضح جدا ما بين قمر ايه وجنب حبيبي في الكلمات برده
    مش عارف .. بس في اختلاف كبير بين اول حاجة وحبايب ايه من الفكرة حبايب ايه اقرب انها تكون خواطر اكثر من اغنية ودي النقطة اللي انتا بتقصد انه مش ممتعة .. وبالنسبة لتامر حسين عمل اغنية دراما وجدا ممتعة وهيا راجع والفرق هنا اللحن بينها وبين حبايب ايه وبرضو الكلام الثقيل اللي مينفعش يتلحن الا بكده


  17. #17

    Default Re: كلمة عن أغنية حبايب إيه

    Quote Originally Posted by Andrew_Wayah View Post
    الاغنية دى متكلة اتكال رهيب على صوت واحساس عمرو دياب
    انما الاغنية نفسها اه حلوة وجميلة لكنها مش اقوي ولا من اقوي اغانى الدراما لعمرو .. عمرو عنده وعمل اقوي من كده بكتير
    تامر حسين شاعر صعب جدا يمتعك كمستمع .. والفرق واضح جدا جدا بين حبايب ايه و انت اول كل حاجة على مستوي الكلام
    كذلك الفرق واضح جدا ما بين قمر ايه وجنب حبيبي في الكلمات برده
    معاك طبعا في فرق الكلمات بين قمر ايه وجنب حبيبي
    قمر ايه احلى بمراحل كبيرة جدا
    لكن
    حبايب ايه ككلمات وكاغنيه عامة احسن من اول كل حاجه
    فكرة حبايب ايه جميلة جدا
    معقول حبيبي مشيت معقول فاكرني نسيت لو قلبي قال حاجه من جرحه قالهالك
    ده انا لما كنت بقول بقصد كلامي يطول يمكن تقول حاجه اسمعها اصفالك

  18. #18

    Default Re: كلمة عن أغنية حبايب إيه

    فى رإيى غنوه متكامله كلام لحن توزيع هندسة صوت
    اداء عمرو خرافى يكاد يصل لحد الكمال فى الاداء
    هو مين ف الدنيا حب وطال نصيبه
    امتى كان وعد الحبايب شىء اكيد
    كل واحد حاضنه ايده ايد حبيبه
    سهل يصحى يلقى نفسه راح بعيد


  19. #19

    Default Re: كلمة عن أغنية حبايب إيه

    ماينفعش نقارن بين الأغاني لأنه كل واحدة وحالتها وموضوعها ولحنها ومزيكتها. أما كموضوع ف حبايب إيه أجدد و كثرة الكوبليهات خلت القصة تكتمل وتتوضح

  20. #20

    Default Re: كلمة عن أغنية حبايب إيه

    great

    Remember , Photoshop Is Only A Tool For Visualizing Your Creativity

Page 1 of 2 12 LastLast

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •